Avstraliyada hər ölkədə olması lazım olan addım atılıb. Belə ki, Avstraliyada işçilər artıq iş saatları xaricində zənglərə və mesajlara məhəl qoymayacaqlar. Bildiyimiz kimi, bu gün milyonlarla insan hələ də iş saatları xaricində işlərindən tamamilə ayrıla bilmir. Minlərlə işəgötürən işçiləri ilə iş saatları xaricində əlaqə saxlamaq istəyir və işin iş saatları xaricində aparılmasını gözləyir. Bu yanlış vəziyyəti dəyişmək istəyən Avstraliya hər bir ölkəyə örnək olması lazım olan mühüm bir qərar verib.
Euronews-da yer alan xəbərə görə, Avstraliyada işçilər üçün iş saatları xaricində narahat edilməsinin qarşısını alacaq “əlaqəni kəsmə hüququ” tənzimləməsi qüvvəyə minib. Bu tənzimləmə sayəsində işçilər qanuni iş saatlarını tamamladıqdan sonra gələn zəngləri və mesajları görməməzliyə vura biləcəklər. . Bu qanun iş e-poçtlarının və zənglərin şəxsi həyata çatmasının qarşısını almaq məqsədi daşıyır. Qayda işçilərə iş e-poçtları, mətnlər və zənglər vasitəsilə şəxsi həyatlarına müdaxiləyə qarşı təminat verir. Covid-19 epidemiyasından sonra qəbul edilən uzaqdan işləmə qaydası, artıq normal həyata qayıdılmasına baxmayaraq bir çox şirkətdə şəxsi həyat və iş həyatı arasındakı fərqi pozmağa davam edir.
Dəyişməsi lazım olan bu məsələ ilə bağlı açıqlama verən Swinburne Texnologiya Universitetindən dosent John Hopkins, bildirib ki, “Rəqəmsal texnologiyaya sahib olmamışdan əvvəl insanların həyatına belə bir müdaxilə yox idi. İnsanlar növbənin sonunda evə gedirdilər və ertəsi gün qayıdana qədər heç bir iş əlaqəsi qurmurdular. İndi bütün dünyada hətta bayram günlərində də iş saatlarından kənarda e-poçt, SMS və zənglərin qəbulu adi hala çevrilib”. Avstraliya isə bu vəziyyəti dəyişdirmək üçün ilk ciddi addım atan ölkələrdən olub.
