Çin mərkəzli Xiaomi brendi gələn ilin birinci yarısında heç bir fiziki düyməsi olmayan smartfon təqdim etməyə hazırlaşır. İddialara görə, şirkətin üzərində işlədiyi Zhuque kod adlı smartfonda fiziki düymə yer almayacaq. Bildiyimiz kimi, günümüzdə təqdim edilən smartfonların əksər hissəsi artıq ekranlardan ibarətdir. Lakin buna baxmayaraq smartfon istehsalçıları hələ də güc düyməsi, səs səviyyəsini idarə edən düymələr kimi fiziki fəaliyyət tələb edən düymələrdən istifadə edir.
X platformasından Chun Bhai istifadəçisinin sözlərinə görə, şirkətin üzərində işlədiyi Zhuque kod adlı smartfon heç bir fiziki düyməsi olmayan ilk Xiaomi smartfonu olacaq. Ümumiyyətlə, fiziki düyməsi olmayan telefonla bağlı iddialar daha əvvəl Apple üçün ortaya çıxmışdı. Əvvəllər Meizu, modeli ilə düymələri, USB portu və hətta dinamik dəliyi olmayan telefon hazırlamışdı, lakinsmartfon bazara çıxarılmamışdı. Bundan əlavə, HTC və Vivo kimi istehsalçılar da düyməsiz smartfonları sınaqdan keçirmiş, lakin onlar istifadəçilər tərəfindən qəbul edilməmişdir. Xiaomi-nin layihəsinin necə nəticələnəcəyi maraq mövzusu olacaq.
Mənbə bildirir ki, düymələri nəyin əvəz edəcəyi dəqiqləşdirilməsə də, toxunma əks əlaqəsi olan təzyiqə həssas düymələr fiziki düymələri əvəz edə bilər. Bundan əlavə, hərəkət idarəetmələri və səs əmrləri də düymələrə alternativ ola bilər. Xiaomi yeni telefonunda ekranın altındakı selfi kamerasından da istifadə edə bilər. Şirkət bununla da istifadəçilərinə fasiləzi ekran təcrübəsi təmin etmək niyyətindədir. Daha əvvəl bir çox smartfonda ekran altı kamera texnologiyasını görmüşdük, lakin bu kameralar görüntü keyfiyyətinə görə normal kameralardan geri qalır. Xiaomi-nin bu mövzuda necə davranacağı da istifadəçilər üçün maraq doğurur.
