Uzun müddətdir ki, Apple, Google, Samsung və digər məşhur telefon istehsalçılarının reklam məqsədi ilə məlumat toplamaq üçün istifadəçiləri 7/24 qeyd etmələri barədə danışılır. Lakin bu fikrin doğru yoxsa yanlış olduğu tam olaraq məlum deyil. Telefonunuzun dediklərinizi tez bir zamanda onlayn reklamlara çevirdiyi nəzəriyyəsini yoxlamaq üçün Britaniyanın Daily Mail qəzeti Android cihazı üzərində reklam testi keçirib. Beləliklə, zavod parametrlərinə sıfırlanmış Samsung Galaxy telefonunda yeni Google hesabı yaradılıb və Robin adlı xəyali 22 yaşlı gənc kimi test aparalıb. Robin üçün saxta Facebook hesabı belə açılıb və bu saxta şəxsə tam onlayn varlıq verilib.
Daily Mail qəzeti tərəfindən verilən məlumata görə, iki gün ərzində yaxınlıqdakı məhsulların adlarını səsləndirdikdən və bu məhsullar üçün heç bir onlayn reklam almayandan sonra telefonlar sadəcə danışmaqla heç bir reklam göstərməyib. Barrier Networks şəbəkəsinin təhlükəsizliyinin rəhbəri Jordan Schroeder, telefonların sizə qulaq asmasına ehtiyac olmadığını söylədi, çünki şirkətlərin telefonunuzdan istifadə edərək məlumat toplamasının başqa yolları var. Jordan Schroeder milyonlarla telefon sahibini dinləmənin dəyərinin çox yüksək olacağını da vurğulayır. O deyir ki: “Telefonlar proqramların mikrofonlara və kameralara daxil olmasının qarşısını almaq üçün nəzarətləri həyata keçirir. Onlar əvvəlcə istifadəçidən icazə istəməlidirlər”.
Digər tərəfdən Daily Mail, Android cihazı üzərində reklam testi üçün uydurduqları Robin üçün yaradılmış Google hesabından istifadə edərək, bu dəfə birbaşa səsli köməkçi olan Google Assistant və Google Axtarış sistemindən istifadə edərək “lüks avtomobillər” və “bahalı çarpayılar” axtardıqdan sonra döşək şirkətləri və yüksək səviyyəli avtomobillər üçün reklamların başladığını aşkar etdi. Nəticədə məlum oldu ki, sıfırdan yaradılmış bir hesab üçün mütləq şəkildə Google xidmətləri ilə əlaqəyə keçmək vacibdir.
Beləliklə, Google Assistant və ya Google-dan müəyyən bir məhsul haqqında soruşduqda, soruşduğunuz məhsulların reklamlarını daim görəcəksiniz. Girib “Pixel 7 Pro” elanına baxdıqda, telefonu hazırda almağı planlaşdırmasanız belə Google tərəfindən telefon haqqında daimi reklamlar alacaqsınız.
