Xəbəri oxumağa başladıqda bircə bu qalmışdı fikri ilə daxil olduğunuzu təsəvvür edir. Texnologiya dünyası inkişaf etdikcə bir çox ənənəvi əşya və işlətdiyimiz avadanlıqlar elektron cihazlara çevrildiyi kimi, deyəsən növbə indi də kitablara çatır. British University of Surrey universitetindən tədqiqatçılar kitabları artırılmış reallıq kitablarına çevirməyin yeni üsulunu hazırlayıblar. Beləliklə kitablar bu üsulla elektron cihazlara çevrilə bilər. Tədqiqatçılar bu kitabları “e-books” termininə bənzər formada “a-books” adlandırıblar. Bu ad isə uyğun olaraq “augmented (artırılmış) books” ifadəsindən gəlməkdədir.
Elektron kitablar artırılmış reallıqla necə işləyəcək?
Düşündüyünüzün əksinə yeni nəsil elektron kitablar sadə kitab anlayışını qoruyaraq daha da təkmilləşdirmək məqsədi daşıyır. Yəni alimlərin məqsədi kitabların sahib olduğu imkanları daha da genişlədirməkdir. Xüsusi ötürücülər və sensorlarla təchiz edilmiş kağız vərəqlərə sahib kitablar vərəqə düşən işığı aşkarlamağa imkan verəcək. Nəticədə normalda görünməyən yazılar sensorlardan gələn məlumatdan sonra aktivləşəcək və yazılar görünməyə başlayacaq. Bu xüsusi vərəqlər kitablar üzərində artırılmış reallıq eynəkləri vasitəsilə 3D görüntülər yaratmağa imkan verəcək.
Alimlərin digər bir məqsədi isə kitablar və mobil smartfon, kompüter tipli cihazlar arasında bağlantı yaratmaqdır. İngiltərəli tədqiqatçılar vərəqlərdəki yazını barmağınız ilə “kopyalamağı” və smartfona ötürməyi, kitabın maraqlı yerlərini smartfonda yadda saxlamağı və.s mümkün etməyə çalışırlar. Ən əsas məqsəd isə elektron vərəqləri yenilənə bilən formaya gətirilməsi və yazıları dəyişməyə imkan verəcək bir mexanizmin hazırlanmasıdır.
Universitetin baş müəllimi Rada Sporea bildirir:
Ədəbiyyat anlayışı zamanla çox dəyişib. Çox sayda elektron materiallar və elektron kitablar satışda mövcuddur. Lakin ənənəvi kitabları, elektron cihaza çevirən hibrid bir həll yolu yoxdur. A-kitablar isə bir çox sahədə gələcəyin seçimi olacaq. Texnologiya, oxuyucunun bir mövzunu daha dərin araşdırmağına imkan verir. Bizim hazırladığımız həll yolu isə kağız üzərindən kitab oxumaq istəyənləri texnologiya ilə birləşdirməyə kömək olacaq.
Layihə artıq uğur qazanmağı bacarıb və dövlət fondu tərəfindən bunun üçün 900.000£ vəsait ayrılıb. Xüsusilə cavan nəsli və uşaqları kitablardan uzaqlaşdırmadan texnologiya ilə birləşdirən bu həllin yaxın vaxtlarda istifadəyə uyğun formaya gətirilməsi planlaşdırılır. Hal-hazırda bu elektron kitablar üçün əsas problem dayanıqlılığın zəif olması kimi göstərilir.
