Çinli Zeekr brendi, dizaynı və xüsusiyyətləri ilə diqqət çəkən 007 adlı elektrikli sedan modelini 2025-ci model ili üçün yeniləyib. Beləliklə, ikinci nəsil Golden Battery ilə təchiz edilən Zeekr 007 indi dünyanın ən sürətli şarj olan elektromobili olmağı bacarıb.
2025 Zeekr 007 iki fərqli batareya ilə gəlir onlardan birincisi 75 kVt Golden Battery digəri isə 100 kVt CATL Qilin Battery-dir. Zeekr tərəfindən hazırlanmış Golden Battery, litium dəmir fosfat katodlu batareyadır. İkinci nəsil Golden Battery indi batareyanın şarj sürətini 4.5C-dən 5.5C-ə qədər artırıb və beləliklə, cəmi 10.5 dəqiqədə elektromobil 80% şarj ola bilir. Bu isə onu göstərir ki, ikinci nəsil Golgen Battery sələfindən 4.5 dəqiqə daha sürətlidir.
Zeekr, İkinci nəsil Golden Battery-nin üçlü litium batareyadan daha sürətli doldurulduğunu və “dünyanın ən sürətli şarj olan kütləvi istehsal edilən batareyası” olduğunu iddia edir. Sözügedən batareya yüksək sürət ilə şarj olmasına rəğmən olduqca təhlükəsizdir. Batareyaya əlavə olaraq, 2025 model Zeekr 007-nin performansı da yaxşılaşdırılıb. Arxadan ötürməli versiyalar artıq 0-100 km/saat sürətə 5,4 saniyə əvəzinə 5 saniyəyə çata bilir. Dörd təkərli versiyalarda bu müddət 0,1 saniyə yaxşılaşma ilə 3,4 saniyəyə endirilib. Qeyd edək ki, ən güclü Zeekr 007 versiyası 0-100 km/saat sürətini 2.84 saniyəyə tamamlayır.
Zeekr OS AI adlanan yeni sistem avtomobildəki bütün sistemləri kabinənin istənilən yerindən səslə idarə etməyə imkan verir. Səsli əmrləri yerinə yetirən sistem lazım gəldikdə aktiv təkliflər də verə bilir. Zeekr bu sistemin 720 dərəcə baxış bucağına sahib olduğunu da bildirir. Bu o deməkdir ki, sistemin avtomobildən kənarda 360 dərəcə baxış bucağına malik olmaqla yanaşı, salonda da 360 dərəcə baxış bucağı var.
Yeni Zeekr 007 Haohan smart drive 2.0 sisteminə malikdir. Lidar və 30-dan çox sensorla təchiz edilmiş bu sistem iki Nvidia Orin X çipsetləri ilə 508 TOPS ümumi emal gücünə malikdir. Bu sistem sayəsində Zeekr 007 kəsişmələrdə baş verə biləcək 30 müxtəlif ssenaridə 95 faizdən çox müvəffəqiyyət nisbətinə malikdir. Bu sistem sayəsində Zeekr 007 kəsişmələrdə baş verə biləcək 30 müxtəlif ssenaridə 95 faizdən çox müvəffəqiyyət nisbətinə malikdir. 1000 yeni trafik ssenarisi və avtomatik parkinq funksiyasının təkmilləşdirilməsi də yeniləmələr arasındadır.
