Dünyanın aparıcı texnologiya şirkətlərindən biri olan Xiaomi, son bir neçə ildir ki, avtomobil sektorunda da fəaliyyət göstərir. Çin şirkəti ötən həftə keçirilən təqdimat tədbirində yeni 2026-cı il elektrik avtomobili olan SU6-nı rəsmi olaraq təqdim edib. Avtomobil 900 km-ə qədər məsafə qət edə bilir. Maraqlısı budur ki, daha əvvəl təqdim edilən Xiaomi SU7 Max aparılan sınaq zamanı 24 saatda 4264 km məsafə qət edərək dünya rekordu qırıb.
İndi isə yeni Xiaomi SU7 modelinin sınaq məlumatları paylaşılıb. Məlumatlar bir daha Çin avtomobil istehsalçılarının davamlılığa verdiyi əhəmiyyəti nümayiş etdirir. Avtomobil 24 saatlıq sürət və dözümlülük testlərində rekord qırmağı bacarıb. Yeni nəsil Xiaomi SU7 Max modeli bir gündə nə qədər məsafə qət edə biləcəyini görmək üçün yüksək sürətli yolda sınaqdan keçirilib. 24 saatlıq fasiləli sürücülük və doldurmadan sonra sedan tam 4264 kilometr qət etməyi bacarıb. Bu, bu xüsusi sınaq növündə kütləvi istehsal olunan elektrik avtomobilləri üçün yeni dünya rekordudur.
Bu məsafənin nə qədər uzun olduğunu təsəvvür etmək üçün deyim ki, bu, Ədirnədən Qarsa 2,5 dəfədən çox səyahət etməyə bərabərdir. Yaxud bu, İspaniyanın Madrid şəhərindən Rusiyanın Moskva şəhərinə qədər olan məsafə ilə eyni məsafədir. Əvvəlki rekord 3961 km ilə Çin şirkətinin istehsalı olan Xpeng Nex P7-yə məxsus idi. Digər markalara baxdıqda, Mercedes-in CLA-sı 3717 km, Porsche-nin Taycan-ı isə 3425 km məsafə qət edib. Xiaomi SU7 Max hamısını çox geridə qoyub. Sınaqlar Çinin Yançenq şəhərində 7,8 km-lik oval yolda aparılıb. Avtomobil 24 saat ərzində 240 km/saat sürətə qədər hərəkət edib. 24 saatlıq yolda avtomobil bir neçə dəfə doldurulmaq üçün dayanmalı olub, lakin uzun müddət park edilmiş vəziyyətdə qalmayıb. Normalda onun yürüşü 900 km-ə çata bilər. 897V arxitekturası sayəsində cəmi 15 dəqiqə doldurulmaqla 670 km məsafə əlavə edə bilir.
