Ötən il elektromobil satışlarında cəlbedici nəticə göstərən Xiaomi bu dəfə öz rekordunu yeniləmək niyyətindədir. Belə ki, avtomobil sənayesinə hələ yeni daxil olan Xiaomi 2025-ci ildə 300 min SU7 satmağı hədəfləyir.
Qeyd edək ki, ilk istehsal modeli olan Xiaomi SU7 seriyası 2024-cü ilin mart ayının sonunda satışa çıxarılıb və dekabrın sonuna onun məcmu tədarükü 135.000 ədədi keçərək, şirkətin ilkin hədəfi olan 100.000 ədədi xeyli keçib. Lei, Xiaomi SU7-nin avtonom idarə edilməsini nümayiş etdirmək üçün paylaşdığı videoda Xiaomi SU7-nin cari satış rəqəmlərini paylaşıb. Beləliklə, ortaya çıxıb ki, artıq 2025-ci ildən 15 min ədəd Xiaomi SU7 modeli satılıb. Şirkət 2024-cü ildə təxminən 135.000 ədəd tədarük etmişdi. Bu il 300.000 SU7 tədarükünü hədəfləyən Xiaomi istehsalı artırır.
Şirkətin 15-ci yaş günü münasibəti ilə Lei, həmçinin 1230 dollara satılan xüsusi məhdud buraxılışlı qırmızı rəng variantını təqdim edib. Xiaomi SU7 28 mart 2024-cü ildə üç fərqli avadanlıq variantında satışa çıxarılıb, onların müştərilərə təhvili isə aprel ayından başlayacaq. Qeyd edək ki, avtomobilin Standart versiya təxminən 30.000 dollardan, Pro versiyası 33.900 dollardan, Max versiyası isə 41.400 dollardan başlayır. Performans modeli Xiaomi SU7 Ultra 2025-ci ilin martında rəsmi olaraq satışa çıxarılacaq. İlkin sifariş ilə isə hazırda 112,400 dollar qiymət etiketi mövcuddur.
