Alman avtomobil nəhənglərindən biri hesab olunan Volkswagen ID seriyasına yeni elektromobil əlavə edib. Belə ki, yeni elektromobil məşhur seriyanın ən güclü elektrikli sedanı olan ID.7 adlandırılıb. Qeyd edək ki, alman brendi ilk dəfə 2019-cu ildə ID elektrikli avtomobil seriyasını təqdim etmişdi. Ötən illər ərzində bir çox yeni ID seriyası elektromobil seriyaya əlavə olunub ki, onlardan ən sonuncusu məhz bu gün “Passat” davamçısı elektrikli Volkswagen ID.7 oldu. ID.3 ilə başlayan səyahət şirkəti bu gün alman elektrikli istehsalçıları arasında başqa bir səviyyəyə gətirib. İki il əvvəl brend ölkəmizdə də məşhur olan ID.6 modelini təqdim etmişdi.
Eksteryer cəhətdən elektromobil ənənəvi dizaynına sadiq qalıb. Belə ki, ön tərəfdə üfüqi led fara və Volkswagen loqosu ID.6 modelinə bənzəyir. Lakin elektromobilin arxa tərəfində müxtəlif yeniliklər mövcuddur. ID.6 modelindən fərqli olaraq Volkswagen ID.7 modeli daha təkmilləşdirilmiş əyləc işıqlarına malik baqaj qapağına malidkir.
Həmçinin ən böyük üstünlük elektromobilin öndən sona doğru düz bir cizgidə gövdəni başlayıb, tamamlamasıdır. Elektromobil vizual olaraq dizayn konsepti cəhətdən yerə paralel şəkildə dizayn olunmuş kimi hissiyat yaradır. Əlavə olaraq isə elektromobilin aerodinamikası təkmilləşdirilib. Hava sürtünmə qüvvəsi 0,23 cd olaraq qeyd olunan elektromobil rəqibləri arasında ideal yerdə qərarlaşır.
Qeyd edək ki, elektromobilin yeni interyer dizaynı biraz Tesla modellərini xatırladır. İnteryer tərəfində isə alman brendk sadəliyə üstünlük verib. Belə ki, ağ rəngli oturacaqlara və 15 düymlük məlumat-əyləncə ekranına sahib olan elektromobilin salonu Tesla Model 3 qədər sadədir. Qeyd edək ki, sükanın arxasında sadəcə kiçin bir panel mövcuddur. Hansı ki, bu panel sadəcə rəqəmsal olaraq sürəti və digər vacib məlumatları sürücüyə bildirir.
Alman brendi həmçinin elektromobildə möhtəşəm kondisoner sisteminin olduğunu bildirib. 15 düymlük böyük ekranın altında birbaşa işıqlarla fərqləndirilmiş temperaturunu dəyişə biləcəyiniz vibrasiya əks əlaqəli fiziki hissiyatlı sensor düymələr yerləşdirilib. Lakin bu düymələr Volkswagen ID.7 seriyasında demək olar bir işə yaramayacaq. Elektromobil hava və salon daxilindəki temperaturu adaptiv şəkildə hesablayaraq havalandırma sistemini özü işə salacaq.
Qeyd edək ki, texniki cəhətdən elektromobil 2 versiyada təklif olunur. Bunlara Pro və Pro S modelləri daxildir. Pro versiyada elektromobil 282 at gücü hasil edən elektrik mühərriklərinə və 615 km mənzil vəd edən 77 kVt batareyaya sahibdir. Pro s versiyada isə mühərriklərin hasilatı dəyişmir sadəcə olaraq elektromobil 86 kVatt batareya həcminə malik olur. Həmçinin elektromobil 700 km mənzil vəd edir.
