Artıq uzun bir müddət əvvəl ortaya çıxan məlumatlar göstərib ki, Toyota və premium brendi Lexus elektromobillər üçün mexaniki sürətlər qutusunu təkmilləşdirməyi sınaqdan keçirir. Əvvəllər məlum idi ki, Toyota tam elektriklə işləyən avtomobillərində dişli qolu və mufta pedalı olan mexaniki transmissiyanı təqlid etmək istəyir. Lakin Toyota daha da irəli getməyə qərar verib. Şirkət daxili yanma mühərrikli avtomobillərin mexaniki sistemləri kimi elektromobillərin də yanlış ötürmə etdikdə və yan yerindən yanlış götürdükdə avtomobilin dayanmasını istəyir.
Yapon avtomobil istehsalçısı bütün bunların necə işləyəcəyini “elektrikli avtomobillər üçün mexaniki sürətlər qutusu” ilə əlaqədar yeni patent sənədində ətraflı izah edib. Mühəndislərin bildirməsi ilə başlayır ki, əgər avtomobil heç vaxt dayanmasa bu, mexaniki transmissiyalı nəqliyyat vasitəsini idarə etmək hissi ilə tanış olan sürücü üçün narahatlıq hissi yaradacaq.
Sözügedən elektromobil mexaniki sürət qutusunu simulyasiya etməklə yanaşı, simulyasiya edilmiş taxometrə və boş sürətə (холостого хода) də sahib olacaq. Əgər siz simulyasiya edilmiş mexaniki transmissiya ilə hərəkətə başlayarkən “muftaya” basaraq bu boş sürətdən aşağı düşsəniz, avtomobilin çeviricisi elektrik mühərrikinin fırlanma momentini dərhal sıfıra endirəcək. Başqa sözlə, siz artıq dartma qabiliyyətinə malik olmayacaqsınız. Patentdə bu prosesin hansısa simulyasiya edilmiş mühərrik səs-küyü ilə müşayiət olunub-olunmayacağı göstərilmir.
Əl sürət qutusu olan əsl daxili yanma mühərrikli avtomobildə mühərriki söndürüb yenidən yandırmaq tələb oluna bilir. Lakin Toyota elektromobilində belə bir vəziyyətdə nə etmək lazım olduğu göstərilməyib. Bununla belə məlumdur ki, istifadəçilər transmissiyalı elektromobildə normal sürməyin xeyrinə belə rejimi hər zaman söndürə bilərlər.
Sənəddə qeyd olunur ki, keçid düyməsindən, hətta modelləşdirilmiş düymədən istifadə etmək, şübhəsiz ki, “vaxt aparan proses” ola bilər. Lakin bu proses sürməkdən həzz almaq istəyən sürücü üçün əvəzolunmazdır.
