Tesla şirkətinin uzun müddətdir gözlənilən yeni Robotaxi modelləri ABŞ-da kamuflyajlı halda ortaya çıxıb. Qeyd edək ki, bu modellərin olduqca kiçik həcmə sahib olması görənləri təəccübləndirib. Gələn ay təqdim edilməsi planlaşdırılan yeni model Tesla üçün kritik əhəmiyyətə sahib olacaq.
Tesla oktyabrın 10-da Warner Bros studiyasında baş tutuacaq Robotaxi və ya Cybercab təqdimatı üçün hazırlıqlarını davam etdirir. Şirkət, təqdimatdan əvvəl studiyada bir sıra test modellərindən istifadə edərək müəyyən xəritə çəkib. Ancaq keçən gün sınaqlardan birində istifadə edilən bir Cybercab diqqətləri cəlb edib. Kamuflyaj altında görünən bu model Teslanın çoxdan gözlənilən Robotaxi modeli ola bilər. Görüntü Reddit istifadəçisi tərəfindən paylaşılıb və Warner Bros. Studiyası ətrafında başqa bir Tesla avtomobilinin qarşısında hərəkət edən parlaq sarı bir avtomobili göstərir. Avtomobil adi kamuflyaj əvəzinə cizgi filmi personajlarına bənzəyən görünüşə malikdir.
Kamuflyajın altında yatan dizayn detalları hələ aydın olmasa da, avtomobilin ümumi xətləri bir müddətdir mətbuatda dolaşan Robotaxi konseptinə bənzəyir. Xüsusilə alçaq burun quruluşu və geniş ön şüşəsi konsept avtomobilə bənzəyir. Bildirilir ki, avtomobilin arxa hissəsində Cybertruck-u xatırladan ucdan-uca led dizaynı yer alır. Habelə, avtomobilin arxa tərəfinə qutu əlavə olunduğu da iddia edilir. Bu hissəni görməməzlikdən gəlsək, render şəklindəki avtomobilin arxa hissəsindən daha düz bir dizayn bizi gözləyə bilər. Yeni iddialara görə, bu yeni prototipin 2 qapılı və 2 oturacaqlı olacağı düşünülür. Avtomobildə sükanın olub-olmaması ilə hələlik bəlli deyil.
