Apple, iPhone 16 qutusundan Apple stikerlərinin çıxmayacağını rəsmi olaraq təsdiqləyib. Belə ki, şirkətin açıqlamasına görə bu stikerlər yalnız iPhone 16 sifariş edənlərə istək əsasında təqdim ediləcək. Şarj cihazından sonra Apple stikerləri də əlavə pul müqabilində bizlərə təklif edəcək.
Apple-ın iPhone 16 və iPhone 16 Pro modellərinin qablaşdırmasında ənənəvi Apple stikerləri olmayacaq. Bununla belə, hələ də bu stikerləri almaq istəyən müştərilər alış zamanı bu stikerləri online Apple Store-dan 9.5 dollar qiymət etiketi ilə stiker sifariş edə biləcəklər. Qeyd edək ki, Apple Store mağazalarından birbaşa iPhone 16 alan müştərilər pul ödəmədən də stiker əldə edə biləcək. Lakin online verilən sifarişlərdə alıcılar stikerlərdən məhrum olacaq.
Ümumiyyətlə, iPhone 16 qablaşdırmasından stikerlərin çıxarılması qərarı Apple-ın ətraf mühitlə bağlı daha geniş məqsədlərinin bir hissəsi kimi qəbul edilir. Texnologiya nəhəngi 2030-cu ilə qədər karbon neytrallığına nail olmağı hədəfləyir və ən son iPhone modelləri ilə bu məqsədə doğru mühüm addımlar atır. Şirkət, iPhone 16 və iPhone 16 Pro-nun qablaşdırmasının indi tamamilə lif əsaslı olacağını, gələn ilə qədər bütün plastikləri qablaşdırmadan çıxarmaq öhdəliyini yerinə yetirəcəyini açıqlayıb. Bundan əlavə, Apple Vision Pro fevral ayından təqdim edildikdə alıcılar qutunun içərisində heç bir stiker olmadığını görmüşdülər. Eyni vəziyyət əslində may ayında təqdim edilən yeni iPad Pro və iPad Air modellərinə də aiddir. Yəni bu əslində Apple şirkətinin bir müddətdir yeritdiyi strategiyasına uyğun gəlir. iPhone 16 alıcıları nisbətən çox olduğu üçün bu vəziyyəti indi ortaya çıxıb.
