Elektrikli avtomobillərin geniş yayıldığı və inkişaf etdiyi bir dövrdə Scania və Northvolt şirkətləri də bu sahəyə diqqət yetirir. Belə ki, Scania və Northvolt şirkətləri elektrikli yük maşınları üçün 1.5 milyon km ömrü olan batareya hazırlayıb. Ümumiyyətlə elektrikli yük maşınları tərəfində bildiyimiz kimi Tesla demək olar ki, bazarı ələ alıb. Tesla Semi modeli artıq bir çox şirkətlər tərəfindən də sifariş edilib. Məhz Tesla ilə rəqabət aparmaq üçün Scania və Northvolt kimi köklü şirkətlər birlikdə çalışaraq uzunömrlü batareya hazırlayırlar.
Qeyd edək ki, ortaqlar 2017-ci ildən bəri bu batareya üzərində birlikdə çalışırdılar. Nəhayət ötən günlərdə ortaqların əziyyəti öz bəhrəsini verib. 1.5 milyon km ömrü olan batareya hazırlamağı bacarıblar. 1.5 milyon km ortalama bir yük maşınının yararlılıq müddəti hesab olunur. Bu isə o demək dir ki, Scania brendinin elektrikli yük maşınları batareya problemi çəkməyəcək. Bu isə brendin Tesla kimi dişli rəqib ilə mübarizə aparmasına imkan verir. Təbii ki, yalnız batareya bu rəqabətdə biraz zəif qalır. Yəni Scania digər innovativ yeniliklər edərək bu mübarizədən qalib ayrıla bilər.
Ətraf mühiti nəzərə alaraq Scania və Northvolt yeni batareya texnologiyasının 100% hidroelektrik və külək enerjisi ilə çalışmasını təmin edib. 157 As həcmi olan batareya 3.6 V nominal gərginliyə malikdir. Regenerizasiya xüsusiyyətinə malik olan batareya artıq sınaq mərhələsindən də uğurla keçmişdir. Qeyd edək ki, Northvolt şirkəti Avropanın karbonsuz gələcəyə keçidini təmin etmək üçün qurulan şirkətdə hesab olunur. Yəni şirkət 100% ekoloji cəhətdən təmiz enerji ilə çalışan batareyalar üzərində ixtisaslaşmışdır. Scania şirkəti də dünyanın ən aparıcı nəqliyyat şirkətidir və 100 minə yaxın modeli mövcuddur. Brendin yeni batareyalardan nə zaman istifadə edəcəyi hələlik məlum deyil.
