Porsche Taycan sahibləri üçün daha uzun məsafə qət etməyə imkan verən və daha səmərəli enerji doldurma imkanı verən sistem yeniləməsi elan edilib.
Porsche, Taycan üçün ən son sistem yeniləməsini istifadəçilərə təqdim edib. Yeniliklərə təkmilləşdirilmiş daha uzun məsafə getmə qabiliyyəti , daha yaxşı enerji doldurma imkanları və məlumat-əyləncə sistemində dəyişikliklər daxildir. Artıq bir çox ölkədə göndərilməyə başlayan pulsuz yeni funksiyaları əldə etmək üçün Taycan sahibləri avtomobillərini dilerlərə apara bilərlər.
Taycan 2019-cu ildən bizimlədir və o vaxtdan bəri, əsasən Porsche-nin elektrik avtomobillərində enerji sərfiyytaı ilə bağlı artan təcrübəsi sayəsində istehsal edilmiş avtomobillər bir neçə əhəmiyyətli yeniləmə alıb. Bütün müştərilər öz dilerlərinə yaxınlaşaraq yavaş-yavaş Taycan-ın davamlı inkişafından faydalanaraq yeniləmələrini əldə edə biləcəklər.
Belə ki, Porsche Taycan-ın güc qurğusunun idarəetməsində bəzi dəyişikliklər edib. Indi Taycan modeli “Normal” və “Range (aşağı performans, yüksək yürüyüş məsafəsi)” rejimlərində rotor ehtiyac olmadığı halda fırlandığı təqdirdə invertoru qapadacaq və ön elektrik mühərrikini enerjisini kəsəcək. Bu sayədə modifikasiyadan asılı olaraq Porsche avtomobilin 50 km-ə qədər daha uzun məsafə qət edə biləcəyini deyir.
“Model Line Taycan”–ın vitse-prezidenti Kevin Giek əlavə olaraq, 2019-cu ildən bəri model seriyasının demək olar ki, hər cəhətdən optimallaşdırdıqlarını da vurğulayıb. Onun sözlərinə görə Müştəri təcrübəsini daha da təkmilləşdirmək üçün yeni funksiyalar əlavə edilib və digərləri də yenidən işlənib və ya dəyişdirilib.
Porsche Communication Management (PCM) yeniləməsi paketə daxil olan başqa bir proqram yeniləməsidir. Yeni funksiyalar, yeni menyu dizaynları, həmçinin səs idarəetmə sisteminin optimallaşdırılması və Spotify inteqrasiyasında yaxşılaşdırmalar var. Naviqasiya sistemi enerji doldurma stansiyalarını da filtrləyə biləcək. ParkAssist funksiyası indi daha geniş məsafədə işləyir, nəticədə dayanacaq yerləri üçün daha yaxşı axtarış təmin ediləcək. Müştərilər həmçinin qapıların və baqajın açarsız açılmasını da tələb edə biləcəklər. Qeyd edək ki, Porsche indiyə kimi 75.000-dən çox Taycan satıb.
