Günəş enerjisi ilə işləyən elektromobil hazırlamış keçmiş Hollandiya startapı və bu gün böyük istehsalçı olmaq yolunda irəliləyən Lightyear yeni bir xəbər paylaşıb. Belə ki, yaxın aylarda ilk avtomobilinin istehsalına başlayan startap 81 milyon avro (81 milyon dollar) toplayıb. Qeyd edək ki, şirkət 2019-cu ildə prototipini təqdim edərək 100 milyon dollardan çox maliyyə toplayan 6 illik startapdır.
Lightyear 0 qiyməti
Qarşıdan gələn payız aylarında Lightyear 0 (köhə adı ilə LightyearOne) modelinin istahselına başlanılması planlaşdırılır. Bu avtomobil alıcılara 250.000 avroya başa gələcək. Paralel olaraq, Lightyear şirkəti 2025-ci ildə istehsalına başlanması gözlənilən model üzərində işləyir. Təqribi 30.000 avro dəyərində olacaq nisbətən ucuz model Lightyear 2 kimi adlandırılacaq.
Startapın CEO-su ve qurucu ortağı Lex Hoefsloot bildirib:
Lightyear, dünyanın ilk günəş enerjisi ilə işləyən avtomobilini təqdim etmək yolunda gələcəyə doğru çalışır.”
Günəş enerjisi ilə işləyən avtomobillər əsasən 2 problemi həll edir
Elektrikli avtomobil sahəsinə günəş enerjisi ilə işləyən avtomobillərin gəlməsi mahiyyətcə 2 problemi aradan qaldırır. Sürücülər ən yaxın enerji doldurma stansiyasının harada olması ilə bağlı narahat olmurlar. Çünki, avtomobil hərəkət edərkən və ya dayanarkən şarj edilə bilir. Digər tərəfdən Lightyear bir şarjla 965 Km-dən çox məsafə qət edəcəyini vəd edir. Nəticədə Lightyear 0 modeli elektrik şəbəkəsinə qoşulmadan daha çox məsafə qət edə bilər. Bu əlbəttə ki, fərdi sürücülük vərdişlərindən və ilin mövsümündən asılı olaraq dəyişir. Lakin gündə cəmi 20-30 Km və ya daha çox yol qət edən bir şəxs bütün yayı avtomobilini şəbəkəyə qoşmadan keçirə bilər. Avtomobil rahatlıqla günəşdən lazım olan enerjisini toplamağı bacarmalıdır.
Doğrudur ki, son zamanlarda günəş enerjisi ilə işləyən prototip nəqliyyat vasitələrinin nümunələri olduqca çoxdur. Amma inkişaf edən elektrikli avtomobillər indiyə qədər əsasən şarj etmək üçün şəbəkəyə qoşulmalı olan avtomobillər və ya şarj edilən hibrid elektrikli avtomobillərdən ibarət olub. 2023-cü ilə bazara çıxması gözlənilən ilk günəş enerjisi ilə işləyən avtomobilinin dizaynını ortaya çıxaran Alman Sono Motors kimi şirkətlər günəş enerjisi ilə işləyən avtomobilləri kütləvi bazara çıxarmağı hədəfləyirlər. Uğurlu olub-olmayacaqları isə sual altındadır.
