Elektrikli avtomobil şirkəti Lightyear, cəmi üç ay əvvəl təxminən 270.000 dollar dəyərində yüksək qiyməti olan günəş enerjisi ilə işləyən Lightyear 0 elektromobilin istehsalına başladı. Bu elektromobili sizlərlə paylaşmışdıq. Ancaq şirkətin yeni açıqlaması ilə Lightyear 0 elektromobilinin istehsalının dayandırıldığı açıqlandı.
Lightyear tərəfindən dərc edilən bloq yazısında şirkətin strateji yenidənqurma prosesinə girdiyi və bunun bir hissəsi olaraq xərc yönümlü hərəkət edəcəyi bildirilir. Lightyear, bütün diqqətini 2025-ci ilin sonunda istehsala başlaması planlaşdırılan Lightyear 2 avtomobilinə çevirəcəyini söyləyib. Lightyear 2 modelinin qiymətinin 40.000 dollardan aşağı olacağı gözlənilir.
Ötən il nümayiş etdirimiş Lightyear 0, üstündəki beş kvadrat metrlik günəş panelləri sayəsində 70 kilometr məsafəyə çata bilirdi. Şirkət bu avtomobildən 946 ədəd istehsal etməyi planlaşdırırdı, lakin üç ay ərzində nə qədər istehsal olunduğu bəlli deyil. Şirkət həmçinin elektromobilin istehsalında bir sıra problemlərlə üzləşdiyini deyir.
Lightyear 0 sırf yüksək səviyyəli bir avtomobil olaraq tanıdılmışdı, lakin CES 2023 sərgisində elan edilən Lightyear 2 çox fərqli bir seqmentdədir. Təqdimatında şirkət Lightyear 2 üçün bazar qiymətindən xeyli aşağı olan Lightyear 0-ın bütün yeniliklərini öz üzərinə götürəcəyini söyləyib. Həmçinin, bu avtomobil üçün artıq 20.000 əvvəlcədən sifarişin alındığı bildirilir.
Şirkət həmçinin bunları qedy edib: Bu qərar bizimlə birlikdə bu səyahətə çıxanların hamısına təsir etdiyi üçün o qədər də yaxşı qəbul edilmədi. Bunlar, əlbəttə ki, investorlarımız, müştərilərimiz, təchizatçılarımız və.s ilə birlikdə günəş enerjisi ilə hərəkətliliyi reallaşdırmaq üçün hər gün çalışan öz əməkdaşlarımızdır. Lightyear 2 ilə hər şeyin düzələcəyini ümid edirik.
