Bildiyimiz kimi, son dövrlərdə elektromobillərə olan tələbat əhəmiyyətli dərəcədə artmışdır. Xüsusilə Çin mərkəzli avtomobil istehsalçıları bu tələbi qarşılamaq üçün istehsal həcmini artırmağa yönəlmişdir. İndi isə Li Auto şirkəti elan edib ki, 54 ay ərzində məcmu tədarükləri 800 min elektromobil həddini ötüb. Qeyd edək ki, şirkət ən qısa müddətdə bu mərhələyə çatan ilk yeni Çin brendi adını qazanıb.
Hazırda Çində bir çox elektromobil istehsalçısı 800 min elektromobil həddini keçib. Lakin Li Auto şirkəti sadəcə 54 ay ərzində 800 min elektromobil istehsal edərək onları sahiblərinə çatdıran ilk Çin brendi olub. Qeyd edək ki, Li Auto-nun ilk modeli olan Li One 2019-cu ilin dekabrında təqdim edilib, L9 və L8 isə müvafiq olaraq 2022-ci ilin avqust və noyabr aylarında satışa çıxarılıb. L7 2023-cü ilin martında sələflərinin yolunu davam edir. Habelə yeni Li Mega və L6 modellərinin istehsalı da bu ilin mart və aprel aylarından başlayıb. Çinli elektromobil istehsalçısı bu ilin mart ayına qədər ümumilikdə 700 000 avtomobil tədarük edib.
2024-cü ilin may ayında Li Auto illik müqayisədə 23,8% artımla 35,020 yeni avtomobil tədarük edib. 31 may 2024-cü il tarixinə Li Auto cəmi 774 571 avtomobil tədarük edib.Yeni Li L6-nın məcmu tədarükləri isə artıq 15.000 ədədi keçdi. 31 may 2024-cü il tarixinə kimi Li Auto 144 şəhəri əhatə edən 487 satış mərkəzi və Çin üzrə 214 şəhəri əhatə edən 374 satış sonrası təmir mərkəzi və səlahiyyətli orqan rəngləmə mərkəzi açmışdır. Həmçinin Li Auto şirkəti Çin üzrə 1888 yerdə 426 Li Auto şarj stansiyasını istifadəyə verib.
