Elektrikli avtomobil bazarında nüfuz əldə etmək istəyən Lexus yeni LF-ZC adlı konsept elektromobilini təqdim edib. Maraqlısı budur ki, avtomobil nəhəngi yeni konseptini Tesla Model 3-ə rəqib olaraq hazırlayır. Belə ki, 0-a yaxın sürtünmə əmsalı və steer-by-wire kimi xüsusiyyətlər də bu modelin diqqət cəlb etməsinə imkan yaradıb. Görünən odur ki, Toyota-nın lüks avtomobil brendi Lexus qlobal bazar üçün yeni və iddialı elektromobil ilə daxil olacaq.
Qeyd edək ki, yaponiyadakı avtosalonda nümayiş edilən Lexus LF-ZC konseptinin istehsal versiyası hələ 2026-cı ildə satışa çıxacaq. Yeni konsept elektomobil Tesla şirkətinin daha əvvəl elan etdiyi gigacast modul şassi, steer-by-wire texnologiyası, prizmatik akkumulyator və çox aşağı sürtünmə əmsalına sahib olacaq. Görünən odur ki, Lexus yeni elektromobili ilə Tesla şirkətinin Model 3-nə rəqib olacaq. O cümlədən Lexus iddia edir ki, yeni elektromobil Prius kimi gözyaşı dizaynına və 0.2 cd-dən az sürtünmə əmsalına sahib olacaq. Mənzil və batareya həcmi tərəfində məlumat verməyən şirkət yeni elektomobilin hazırda bazarda olan elektromobillərin ortalama mənzilindən 2 qat daha çox mənzil təklif edəcək.
Analitiklərə görə, Lexus brendinin yeni elektromobili 1000 km mənzil vəd edəcək. Qeyd edək ki, konsept modelin təkər bazası Tesla Model 3-dən 15 mm daha çox, yəni 2890 mm-dir. Bundan əlavə elektromobilin uzunluğu 4750 mm, eni 1880 mm, hündürlüyü 1390 mm-dir. Həmçinin steer-by-wire texnologiyası ilə elektomobilin interyeri də geniş olacaq. Çünki bu texnologiyada sükanı təkərlərə birləşdirən şaft və ya mexaniki komponentlər yoxdur. Sükan çarxının hərəkəti kabellər vasitəsilə təkərlərə ötürülür. Hər şey sensorlar vasitəsilə toplanan məlumatları ötürməklə elektron şəkildə baş verir.
