Yaponiyanın avtomobil istehsalçıları Honda və Nissan dünyanın üçüncü ən böyük avtomobil istehsalçısını yaratmaq üçün birləşəcəklərini açıqlayıblar. Maraqlısı budur ki, nəhəng avtomobil brendləri aralarına Mitsubishi-ni də əlavə edəcəklər.
Beləliklə, Yaponiyanın avtomobil nəhəngləri Honda və Nissan güclərini birləşdirməyi planlaşdırdıqlarını açıqlayıblar. Bu birləşmə, Mitsubishi Motors ilə əməkdaşlıq edərək dünyanın üçüncü ən böyük avtomobil istehsalçısını yaratmağı hədəfləyir. Elektrikli nəqliyyat vasitələrinə keçid və sektorun transformasiya prosesi Yapon şirkətlərinin bu addımının əsas motivləri arasındadır. Artıq Honda və Nissan birgə holdinq şirkəti altında əməliyyatlarını birləşdirmək üçün anlaşma memorandumu imzalayıblar. Honda prezidenti Toşihiro Mibe bildirib ki, yeni idarəetmə ilkin olaraq Honda-nın rəhbərliyi altında formalaşacaq və hər bir brendin özünəməxsus prinsiplərini qoruyub saxlayacaq. Rəsmi birləşmə müqaviləsinin 2025-ci ilin iyun ayına qədər tamamlanacağı və birləşmənin 2026-cı ilin avqustuna qədər tamamlanacağı və yekunda holdinq şirkətinin yaradılması planlaşdırılır.
Birləşmə prosesi üçün heç bir maliyyə dəyəri verilməsə də, rəsmi danışıqların yeni başladığını bildirən Mibe, “Üzərində işləməli və müzakirə edilməli olan məqamlar var. Açığı, bunun həyata keçirilməməsi ehtimalı sıfıra bərabər deyil” deyə bildirib. Yapon istehsalçıları elektromobil inqilabında əsas rəqiblərini geridə qoyublar. Bu birləşmə xərcləri azaltmağa və itirilmiş vaxtı kompensasiya etməyə xidmət edir. Beləliklə, Honda, Nissan və Mitsubishi-nin ümumi istehsalı təxminən 8 milyon avtomobilə çatacaq. Bu rəqəm Toyota-nın 2023-cü ildə 11,5 milyon avtomobil istehsal etməsinin arxasında qalsa da, birləşmə Volkswagen kimi qlobal nəhənglərə qarşı əhəmiyyətli rəqabət üstünlüyü təmin edə bilər. 2023-cü ildə Honda 4 milyon, Nissan isə 3,4 milyon avtomobil istehsal edib. Mitsubishi Motors 1 milyondan bir qədər çox avtomobil istehsal etməyi bacarıb.
