Son iki il ərzində benzinin ortalama qiyməti iki dəfədən çox artdığı üçün bir çox amerikalı elektrik avtomobil almağı düşünür. Bununla onlar benzin qiymətinin daimi qalxmasından azad olmaq istəyirlər. Lakin hər məsələ göründüyü qədər asan deyil və burada bir məqam var: Elektrik avtomobilləri xammalı qiymətlərinin artması səbəbindən bahalaşır. Nəticədə yaxın 2-3 il ərzində elektrik avtomobillərinin qiyməti birdən-birə bahalaşa bilər.
Eyni zamanda Ford və General Motors birinci kvartal üçün maliyə hesabatını paylaşıb. Hansı ki, xərclərin artdığını göstərən nümunələr göstərilib. Bu isə 2022-ci maliyyə ili üçün planlaşdırılan xərclərə yenidən baxılmasına gətirib çıxarıb. GM öz gözlənilən xərclərini demək olar ki, iki qat artıraraq 5 milyard dollara çatdırıb. Ford şirkəti öz növbəsində gözlənilən xərclərini 1,5 milyard dollardan 4 milyard dollara qaldırıb. Yəni şirkətlərə elektrik avtomobil istehsalı üçün daha çox maliyyə tələb olunacaq.
Elektrik avtomobil ehtiyyat hissələrin qiymətləri qalxır
Elektrik avtomobil modellərində istifadə olunan batareyanın qiymətləri son on il ərzində davamlı düşməsinə baxmayaraq, tezliklə qalxa bilər. Kolorado şəhərində yerləşən E–Source tədqiqat şirkətinin vitse-prezidenti Sam Jaffe bu məsələ ilə bağlı öz təxminlərini paylaşıb. Belə ki xammalı çatışmazlığı səbəbindən 2026-cı ilə qədər batareya komponentlərinin qiymətləri 22% arta bilər.
Bir çox qlobal avtomobil istehsalçıları 2030-cı ilə qədər yalnız elektrik avtomobil istehsalına keçəcəyini vəd edib. Eyni zamanda, litiumun qiyməti son aylarda rekord həddə çatıb. Volvo şirkətinin baş direktoru və prezidenti Jim Rowan və Stellantis şirkətinin baş direktoru Karlos Tavares iddia edir ki, gələcəkdə batareya komponentlərinin qıtlığı yaranacaq.
Elektrik Avtomobillərin qiymətləri 2030-qədər kəskin qalxacaq?
Tesla Model 3 Standard Range modelinin qiyməti 2021-ci ildə 38 190 dollar idi. Hal hazırda bu modelin qiyməti fevral ayından bu yana bir neçə dəfə bahalaşıb. 2022-ci ilin mart ayında qiymət artıq 46.990 dollar təşkil edirdi. Avtomobil istehsalçısı Rivian daha əvvəl elektrik avtomobil modellərinin qiymətlərini qaldırmışdı. R1T modelinin qiyməti 17% artaraq 78.975 dollara, R1S modelinin qiyməti isə 20% artaraq 84.000 dollara yüksəlib. Lucid şirkəti həmçinin Air premium elektrik sedanının qiymətini 13% qaldırıb.
Çin bazarında isə hal-hazırda elektrik avtomobil modellərinin qiyməti, sadə avtomobillərin qiyməti ilə müqayisədə seqmentindən aslı olaraq ortalama 10% daha yüksəkdir. Bəs sizin fikrinizcə, Azərbaycanda artıq bu istiqamət üzrə addımlar sürətləndirilməlidir?
