Artıq Çinli elektromobil istehsalçılarının bazarda lider olduğu hərkəsə məlumdur. Hətta avtomobil nəhəngləri bütün seqmentlərdə liderliyi ələ almağı bacarır. Belə ki, bu dəfə Changan brendi yeni Qiyuan A07 modelini sadəcə 22.800$ qiymət etiketi ilə satışa çıxarıb. Bəli yeni elektromobilin qiyməti 22.800$-dır. Ən maraqlısı odur ki, Changan bu ekonom modelində yüksək performans vəd edir. Əsasən orta seqmentə daxil olan elektromobillər mənzil tərəfində biraz məhdud imkana malik olur. Lakin Changan brendinin yeni elektromobili mənzili ilə rəqiblərini qabaqlaya bilir.
Changan brendi orta seqmentdə liderliyi əldə edə bilmək üçün yeni seriyası olan Qiyuan seriyasını təqdim edib. O cümlədən seriyanın ilk modeli məhz Changan Qiyuan A07 elektromobili olub. Çinli avtomobil nəhəngi yeni modelin orta seqmentə daxil olmasına baxmayaraq interyer və eksteryer tərəfinə xüsusi diqqət yetirib. Belə ki, yeni Qiyuan A07 modeli futuristik eksteryer və interyer ilə qarşımızdadır. İlk öncə eksteryer tərəfindən başlayaq. 4.9 metr uzunluğa sahib olan yeni elektromobil ön tərəfdə şaquli led dizayna sahib olub. O cümlədən avtomobilin ön tərəfindəki bamperdən arxa tərəfdəki bamperə qədəri qara rəngli və üfüqi dizaynlı xətt mövcuddur. Arxa tərəfdə də avtomobil ön tərəfində olduğu kimi üfüqi led faralar mövcuddur.
İnteryer tərəfində isə bizi Tesla və digər elektromobillərdə olduğu kimi, sadə salon qarşılayır. Ağac mebeli ilə bəzədilmiş salonda 15.4 düymlük 2.5K təsvir ölçülü sensorlu ekran mövcuddur. Belə ki, bu ekran üzərindən avtomobilin bütün multimedia və digər funksiyalarını idarə etmək mümkündür. O cümlədən avtomobil elektrikli mühərriki 258 at gücü hasil edir. Batareya tərəfində isə Changan 58.1 kVt həcmli batareyadan istifadə edib. Həmçinin elektromobil 515 km mənzil vəd edir. Çinli avtomobil nəhəngi 2025-ci ilə qədər A07 ilə başlayan Qiyuan seriyasına 4 yeni model əlavə etməyi düşünür. Hətta Changan seriyanın illik satışı həcmini 800 minə çatdırmaq istəyir.
