Son aylarda konsept şəklində ortaya çıxan Cadillac Celestiq, istehsal versiyasına keçərək markanın yeni flaqmanı olmağa hazırlaşır. 2023-cü ilin sonuna doğru istehsalına başlaması planlaşdırılan elektrikli lüks modelin dizaynı və xüsusiyyətləri nümayiş etdirilib.
Gəlin, bu məqaləmizdə ilk olaraq elektromobilin texniki imkanlarına nəzər salaq. 2024 Cadillac Celestiq tam olaraq 600 at gücü və 867 nm fırlanma anı hasil edən elektrik mühərriklərinə sahibdir. Ön və arxa oxlarda yerləşdirilmiş iki elektrik mühərriki ilə tam ötürməli sistemi lüks modelə 0-100 km/saat sürəti 3,8 saniyəyə yığmağa imkan verir. Onu da qeyd edək ki, sözügedən model General Motors Ultium platforması üzərinə inşa edilib. Celestiq böyük 111 kVts batareya paketi ilə təchiz edilmişdir. Yuxarıda qeyd etdiyimiz mühərrik kombinasiyası ilə tək şarjla 483 Km yürüyüş məsafəsi təmin edilir. Brendin açıqlamasına görə, bu modeldə 10 dəqiqəlik şarjla təxminən 126 Km məsafə qət edə bilərsiniz.
Lüks modelin dizaynı konsept forması ilə demək olar ki, eynidir. Uzun ön kapot və arxa tərəfə doğru əyilmiş dam xətti Celestiq-ə fərqli siluet verir. Avtomobildə 23 düymlük alüminium görünüşlü diskləri var və ətrafı sakit gəzinti üçün xüsusi olaraq hazırlanmış Michelin Pilot Sport EV şinləri ilə təchiz olunub. Nəticədə avtomobil daxilindəki küy minimuma endirilib. Celestiq modelinin qapı tutacağı yoxdur, çünki qapılar bir düyməyə basmaqla avtomatik olaraq açılır və bağlanır.
Avtomobilin kuzovunda 1600-dən çox LED işləmə var. Sol tərəfdəki böyük ekran sürücü üçün indikator və multimedia rolunu oynasa da, sağdakı ekran ön sərnişin üçün ayrılıb. Mərkəzi konsoldakı 11 düymlük ekran elektromobildəki bu funksiyaıarın idarə olunmasına imkan yaradıb.
Lüks modeldəki ekranlar bunlarla məhdudlaşmır. Arxa oturacaqdakı sərnişinlərin yaxşı vaxt keçirmələri üçün ön oturacaqların arxalarında 12,6 düymlük planşet tipli ekranlar yerləşdirilib. Bundan əlavə, arxa oturacaqlar arasında 8 düymlük ekran var. Oturacaq yeri, kondisioner və qapıların açılıb bağlanması kimi tənzimləmələr bu ekran vasitəsilə edilir. Düşüncələrinizi şərhdə bizimlə paylaşa bilərsiniz!
