Apple yeni iPad seriyası modellərini təqdim edib! – M2 prosessoru və daha artığı

Apple şirkəti yeni iPad seriyası modellərini bir neçə saat əvvəl verdiyimiz məlumatda olduğu kimi, heç bir təqdimat tədbiri olmadan təqdim etdi. Beləliklə, yeni iPad modelləri rəsmi olaraq satışa çıxarıldı. Uzun illərdir eyni dizayn ilə təqdim edilən klassik iPad 2022 modeli, 10-cu nəsildə biraz daha müasir dizayn əldə edib. Gündəlik istifadəçilər, xüsusilə tələbələr üçün nəzərdə tutulan iPad 2022 modeli, yenilənmiş dizaynı ilə bir çox yeni xüsusiyyətlərə malikdir. Həmçinin şirkət yeni 11 və 12.9 düymlük iPad Pro planşetlərini də təqdim edib. iPad Pro 2022 modelləri təkmilləşdirilmiş Apple Pencil, ProRes video qeydi dəstəyi və xüsusilə M2 prosessoru ilə diqqət çəkib. Lakin iPad Pro 2022 modelinin dizaynında vacib bir dəyişiklik müşahidə edilməyib.

Yenilənmiş 10-cu nəsil iPadseriyası modellər hansı yeniliklərə sahibdirlər?

Yeni iPad seriyası modellərin ən sadə versiyası olan iPad 10 (2022) modeli ekran çərçivələrinin kiçildilməsi və ev düyməsindən xilas olması nəticəsində daha böyük ekrana sahib olub. 2360×1640 piksel təsvir ölçülü Liquid Retina LCD ekranı 500 nit parlaqlığa qədər yüksələ bilir. Yeni iPad modellərinin mavi, çəhrayı, sarı və gümüşü olmaqla 4 rəng seçimi mövcuddur. 10-cu nəsil iPad öz gücünü A14 Bionic çipsetindən alır. 2022 iPad modeli yenilənmiş çipi sayəsində sələfi ilə müqayisədə 20% daha yüksək CPU performansı və 10% daha yüksək GPU performansı vəd edir.

Kamera tərəfinə nəzər saldıqda, yeni təkmilləşdirmələr təklif edən iPad 10 (2022) modelinin ön tərəfində yeni 12MP ultra geniş bucaqlı kamera quraşdırılıb. Arxa tərəfdə də 12 MP F/1.8 kamera sensoru mövcuddur. Yeni modeldə səs ucaldanların da yerləri dəyişdirilib. Belə ki, bu yenilik sayəsində daha yaxşı səs təcrübəsi vəd edir. Onuncu nəsil iPad ilə bütün iPad ailəsi artıq USB-C portundan istifadə edib. Lakin bir qəribə nüans var ki, birinci nəsil Apple Pencil dəstəkləyən planşetin şarj aləti lightning girişli qələmi şarj edə bilməyəcək. Bundan əlavə, daha sürətli simsiz əlaqə texnologiyaları olan Wi-Fi 6 və 5G də yeni iPad modelində öz yerini tutub. Yeni planşetdə Magic Keyboard Folio və Apple Pencil dəstəyi də mövcuddur.

Yeni iPad Pro hansı yeniliklərə sahibdir?

5-ci nəsil iPad Pro modelləri gözlədiyimiz kimi 11 və 12.9 düym olmaqla iki fərqli ekran variantı ilə gəlir. 11 düymlük iPad Pro LED Liquid Retina ekranını təklif edərkən, 12.9 düymlük iPad Pro mini LED ekran texnologiyasına malikdir. Yəni əvvəlki nəsillə müqayisədə ekran ölçüsü, təsvir ölçüsü və istifadə olunan texnologiya baxımından heç bir irəliləyiş yoxdur. Görünən odur ki, şirkət yalnız kamera tərəfində təkmilləşdirmələr edib. 12MP əsas, 10MP ultra geniş kameraya malik olan yeni iPad Pro, ProRes formatında video çəkiliş dəstəyi təklif edir.

Yeni iPad Pro modelləri Apple şirkətinin ən son MacBook Air modelinə istifadə etdiyi M2 çipseti ilə təchiz edilib. M2 prosessor M1-dən 15%-ə qədər sürətli olan 8 nüvəli CPU və 35%-ə qədər daha sürətli qrafik performansı təmin edən 10 nüvəli GPU daxildir. Bu yeniliklər sayəsində M2 çipseti, M1 çipsetindən 40% daha sürətli işləyir və saniyədə 15.8 trilyon əməliyyat yerinə yetirir. Yeni iPad Pro WiFi 6E dəstəyi ilə ən sürətli simsiz şəbəkə bağlantılarını belə dəstəkləyir.

Şirkət həmçinin oktyabr ayına təxirə saldığı iPadOS 16 üçün dəqiq bir tarix verdi. Xüsusilə “Apple” planşetləri üçün nəzərdə tutulmuş əməliyyat sistemi 24 oktyabrda satışa çıxarılacaq. Bildirilib ki, şirkət Stage Manager funksiyasını təkmilləşdirmək üçün iPadOS 16 əməliyyat sistemini oktyabr ayına qədər təxirə salıb.

Yeni iPad seriyası modellərin başlanğıc qiyməti aşağıdakı kimidir