Almaniya kansleri Olaf Şolz Brüsseldə keçirilən Avropa İttifaqı (Aİ) Liderlər Zirvə toplantısında daxili yanma mühərrikləri ilə bağlı dəyişkən açıqlamalar ilə gündəmə gəlib. Şolz, Almaniya və Avropa Komissiyasının daxili yanma mühərrikləri olan avtomobillərin qadağan edilməsi ilə bağlı mübahisəni həll etməli olduqlarından danışıb. Hollandiyanın Baş naziri Mark Rutte də yaxın günlərdə etirazlara səbəb olan elektromobil məcburiyyəti qanununundakı problemlərin həllinə inandıqlarını bildirib. Yaxşı bəs, müzakirələrə səbəb olan problem nədir? Nəyə görə Almaniya başda olmaqla əsas avtomobil istehsalçısı ölkələr Avropa Birliyi qərarına qarşı çıxıb “E-Fuel” ilə daxili yanma mühərriklərini qorumaq istəyirlər?
Almaniya 2035-ci ilə qədər elektromobillərə keçidlə bağlı qanunun Çinə boyun əymək olduğunu bildirir!
Avropa Parlamenti iqlim dəyişikliyi ilə mübarizə məqsədlərinə və Paris razılaşmasına uyğun olaraq 2035-ci ildən sonra bütün qitədə daxili yanma mühərrikli avtomobillərin qadağan edilməsinə qərar verib. Almaniya isə son anda bu Avropa Birliyi tərəfindən qoyulan qadağaya etiraz edərək elektron yanacaqla (E-Fuel) işləyən nəqliyyat vasitələrinin bu qadağadan azad edilməsini tələb edib. Bildiyimiz kimi, Almaniya dünyanın ən güclü avtomobil sənayelərindən biri olaraq brendlərini qorumaq istəyir. Lakin Almaniyaya görə tək problem bu deyil.
Bu etiraz bəzi Aİ tərəfdaşlarını, xüsusən də Fransanı qəzəbləndirsə də, İtaliya da daxil olmaqla digərlərindən dəstək alır. Belçikanın Baş naziri Alexander De Croo, “Biz avtomobillərdən CO2 emissiyalarını mərhələli şəkildə aradan qaldırmaq üçün aydın bir yol seçdik, indi imtina etmək vaxtı deyil” deyə bildirir. Lakin Almaniya atılan bu addımı Avropada Çinlilərə elektromobil bazarı vasitəsilə geniş bir qapı açmaq olaraq dəyərləndirir. Anlaşılmamazlığı aradan qaldırmaq üçün Avropa Birliyi “E-Fuel” ilə işləyən nəqliyyat vasitələrinin karbon neytral hesab edilməsinə dair yol xəritəsi təklif etdi. Gələcəkdə 2035-ci ildən sonra sintetik yanacaqla işləyən yeni daxili yanma mühərrikli nəqliyyat vasitələrinin qeydiyyatı üçün zəruri vaxt cədvəlləri və tənzimləyici həlləri əks etdirən bəyanat dərc olunacaq.
Almaniya Nəqliyyat Naziri Volker Wissing mövzunun konkret və təfərrüatlı şəkildə müzakirə edildiyini bildirərkən, prosesin vasvasılıqla idarə edildiyini və vəziyyətin “çox mürəkkəb hüquqi proses” olduğunu dedi. İtaliyanın baş naziri Giorgia Meloni jurnalistlərə bildirib ki, onun hökuməti yaşıl keçidə sadiqdir, lakin Aİ iqlim məqsədlərinə çatmaq üçün hansı texnologiyalardan istifadə edəcəyinə qərar verməməlidir.
Nəticədə Almaniya 2035-ci ildə həyata keçirilməsi gözlənilən daxili yanma mühərriki qadağasını etirazla bloklayır. Ona görə də tərəflərin istəklərinin yerinə yetirilməsi istiqamətində intensiv iş aparılır. Belə görünür ki, sintetik yanacaqlar və daxili yanma mühərrikləri həyatımızda olmağa davam edəcək. Həmçinin, Çinlilərin Avropa bazarında “vəhşicəsinə” istehsal etdikləri elektromobilləri ilə güclənməsinin qarşısı bu yolla alınmalıdır. Əks halda Avropalı brendlər nə istehsal ədədi, nə də rəqabət cəhətdən Çinlilər qarşısında zəif qala bilərlər.
