Dizaynı dəyişdirilmiş və yeni texnoloji xüsusiyyətlərlə təchiz edilmiş 2022 DS 7 Crossback təqdim edilib. İndi daha aqressiv və lüks görünüşə sahib olan SUV, mühərrik xüsusiyyətləri ilə də bizi sevindirəcək.
Belə ki, daha çox Citroen ilə əlaqəli olsa da, 2014-cü ildən müstəqil lüks avtomobil istehsalçısı olan DS, DS 7 Crossback modelini yeniləyib. Həm müasir dizayna, həm də yeni mühərrik seçimlərinə malik olan DS 7 Crossback, avtomobil həvəskarlarının heyranlığını qazancaq.
DS 7 Crossback-in xarici dizaynına baxdığımızda ön görünüşə çox toxunulmadığını görürük. Bununla belə, fənərlər LED matrisə ilə əvəzlənib. İstehsalçı yeni DS 7 Crossback modelinə 33 ədəd LED-ə sahib gündüz işıqları quraşdırıb. Bu faralar avtomobilə fərqli atmosfer qatır. Avtomobilin radiator barmaqlığına da xırda toxunuşlar edən mühəndislər beləliklə DS 7 Crossback-i daha aqressiv göstərə biliblər. Arxa tərəfdə isə bizi yeni baqaj dizaynı qarşılayır.
2022 DS 7 Crossback yalnız eksteryer dizaynında deyil, həm də interyer dizaynında kiçik dəyişikliklərə malikdir. Mərkəzi konsolda standartlaşdırılmış 12 düymlük məlumat-əyləncə ekranı yeni proqram təminatı ilə simsiz Android Auto və Apple CarPlay dəstəyi təklif edir. Bundan əlavə, avtomobildə gecə görmə üçün xüsusi proqram təminatı da mövcuddur.
DS-nin yenilənmiş SUV modeli bütün istehlakçıları cəlb edən mühərrik seçimlərinə sahib olacaq. Belə ki, bu avtomobili benzin mühərriki , dizel mühərriki və ya hibrid mühərriki ilə ala biləcəksiniz. Fərqli ölkələrə fərqli mühərrik variantları təqdim edəcəyini açıqlayan DS, yenilənmiş avtomobildə hər kəsə 130 at gücündə benzin və ya dizel mühərriki təqdim edəcək. Uyğun olaraq avtomobil müxtəlif modifikasiyalarda 225 , 300 və 360 at gücü hasil edə biləcək. Şirkət elan edib ki, ən güclü model 0-100 km/saat sürəti 5,6 saniyəyə yığacaq.
Yeni texnoloji xüsusiyyətlərlə təchiz edilmiş DS 7 Crossback indi bəzi Avropa ölkələrində əvvəlcədən sifariş üçün mövcuddur. Bununla belə, avtomobilin rəsmi satışları 2022-ci ilin sentyabrında başlayacaq. Dizaynı və xüsusiyyətləri ilə heyran olan DS 7 Crossback-in rəsmi formada Azərbaycana gəlib-gəlməyəcəyi hələlik məlum deyil. Bəs siz bu avtomobil barədə nə fikirləşirsiniz? Fikirlərinizi bizimlə bölüşməyi unutmayın.
