Texnologiya nəhəngi olan Apple şirkətinin Apple Watch modeli Hindistanda 12 yaşlı qız uşağı olan İmaninin həyatını xilas edib. Belə ki, 12 yaşlı qızın anasının verdiyi məlumata görə, İmaninin ürəyi sürətlə döyündüyü üçün ağıllı saat siqnal verməyə başlayıb. Bundan sonra qızın anası qızı ilə xəstəxanaya gedib. Məlum olub ki, həkimlər tərəfindən müalicə olunan İmani appendisit xərçəngi xəstəliyindən əziyyət çəkirmiş. Hətta həkimlər İmanidə şiş aşkar edən zaman appendisit xərçəngi qızın bütün bədəninə yayılmışdı. Bu zaman 12 yaşlı qızın əməliyyat olunması zərurətə çevrilib.
Bu hadisə bir daha göstərir ki, Apple Watch sadəcə adi bir texnologiya parçası deyil və həyat qurtaran funksiyalarla doludur. Ağıllı saat bu vaxta qədər saysız-hesabsız insanların həyatını xilas edib, lakin bu dəfə 12 yaşlı qızın qolunda olan ağıllı saat anormal dərəcədə yüksək ürək döyüntüsü müşahidə etdiyi üçün, siqnal verdikdən sonra 12 yaşlı qızın xərçəng xəstəsi olduğu aşkar olunub. Onu da qeyd edək ki, ağıllı saatın ürək döyüntüsü analizi funksiyası Watch SE, Watch 7, eləcə də yeni buraxılmış Watch 8 və Watch Ultra modellərində mövcuddur.
Bu yaxınlarda Apple Watch modelinin EKQ ürək sensoru 57 yaşlı britaniyalı David adlı bir şəxsin də həyatını xilas etmişdi. istirahət zamanı aşağı ürək döyüntüsü olduğunu təyin edən Apple Watch təxminən 3000 xəbərdarlıq bildirişi göndərmişdi. David həyat yoldaşının hədiyyə etdiyi ağıllı saatdakı xəbərdarlıqları gördükdən sonra xəstəxanaya gedib. Əlavə müayinə və tibbi testlərdən sonra həqiqətən Davidin ürək xəstəliyindən əziyyət çəkdiyi aşkarlanmışdı.
Apple şirkətinin ağıllı saatı EKQ, ürək döyüntüsü bildirişləri, yıxılma və zərbələrin aşkarlanması kimi bir sıra həyat qurtaran funksiyalara malikdir. Apple-ın bu yaxınlarda təqdim etdiyi yeni 8 seriyası ağıllı saatın funksiyalarına biraz da genişləndirmişdi. Bunlardan ən önəmlisi peyk vasitəsi ilə dünyanın istənilən nöqtəsindən siqnal göndərilə bilməsidir.
