GMC şirkətin daha əvvəllər hədəfinin 2035-ci ilə qədər yalnız elektriklə işləyən avtomobillər satmaq olduğunu bildirmişdi. Bu gün isə nəhəng avtomobil şirkəti, üçüncü elektromobili olan GMC Sierra Denali modelini təqdim edib. Belə ki, yeni model GMC Hummer elektromobilinin alternativi kimi təqdim olunub. Yeni elektromobil müasir texnologiya və güclü elektrik mühərriklərinə sahibdir.
GMC Sierra Denali elektromobilinin xüsusiyyətləri
GMC şirkətinin yeni elektromobili rəsmi olaraq GMC Sierra EV Denali Edition 1 adlanır. Elektromobil ön ötürməli və arxa ötürməli elektrikli mühərrikləri ilə təchiz olunub. Bu mühərriklər isə öz növbəsində 754 at gücü və 1027 nm fırlanma anı hasil edir. Həmçinin GMC nəhəng pikapın 4,5 saniyəyə 100 km/saat həddinə sürətlənəcəyini bildirir.
Elektromobil güclü mühərriklərlə yanaşı bir neçə yeni funksiyaya da sahibdir. Belə ki, elektromobil pikapı qaldırıb endirə bilən pnevmatik amartizator və diaqonal manevr etmək üçün arxa təkərləri ön təkərlərlə eyni istiqamətə çevirə bilən “crab gəzintisi” funksiyasına sahibdir. Bundan əlavə, elektrotromobil 4300 kq-a qədər yük daşıya biləcək.
Elektromobilin batareya həcmi barəsində rəsmi məlumat məlumat verilməsə də elektromobilin 131 kVts batareysı ilə tək şarjda 645 km məsafə gedə bildiyi iddia edilir. Elektrikli pikap 350 kVt-a qədər sürətli enerji doldurma qabiliyyətinədə sahib olacaq. Ehtimal olunur ki, Sierra elektromobilinin daha sadə versiyaları daha kiçik batareya həcminə və Denali versiyası daha böyük batareya həcminə sahib olacaq. Üstəlik GMC, bir evin təməl elektrik ehtiyaclarını bu elektromobilin 21 günə qədər təmin edə biləcəyini qeyd edir.
Denali, yaxın bir neçə ildə satışa çıxarılması planlaşdırılan 3 Sierra EV versiyasından birincisidir. Standart versiya olan Sierra EV Elevation 18 düymlük təkər diskləri ilə 2025-ci ilin əvvəlində gələcək. AT4 versiyasının isə 2024-cü ilin əvvəli gəlməsi gözlənilir. Denali 1 versiyası 107 min dollar, sadə sierra versiyası isə 50 min dollar başlanğıc qiyməti ilə bazara çıxacaq.
