Hər dəfə fərqli mövzularla gündəmə gələn Elon Musk bu dəfə də ətir satışa çıxarması ilə diqqət çəkib. Belə ki, Elon Musk tərəfindən Boring Company şirkəti üzərindən yanıq saç iyi verdiyi bildirilən “Burnt Hair” adlı ətir satışa çıxarılıb. Yeni “Burnt Hair” adlı ətir saatlar ərzində şirkətə 1 milyon dollardan çox gəlir qazandırıb. Elon Musk isə “Dünya üzərindəki ən gözəl qoxulu ətir!” ifadəsini səsləndirdiyi üçün insanlar məhsula daha çox maraq göstərməyə başlayıblar. Üstəlik tviterdə açıqlama hissəsinə də “ətir satıcısı” deyə yazı yazıb.
“Yanıq saç iyi verən” ətir qısa vaxt ərzində 10.000 ədəd satılıb
Boring Company rəsmi səhifəsi üzərində əlçatan olan “Burnt Hair” hal-hazırda 100 dollar qiymətə təklif edilir. Yeni satışa çıxarılan ətir artıq 10.000 ədəddən çox satılıb. Lakin şirkət “yanıq saç iyi verən” ətirdən nə qədər hazırladığını açıqlamır. Çox vaxt bu cür Elon Musk imzalı məhsullar tükəndiyi zaman həddindən artıq dəyərlənir.
Məsələn, limitli sayda Tesla imzalı tekila 250 dollara satışa çıxarıldıqdan sonra 3000 dollara qədər ikinci əl bazarında dəyər qazanmışdı. Böyük bir ehtimalla “Burnt Hair” tekila qədər dəyər qazanmasa da satışdan yığışdırılacağı təqdirdə gələcəkdə qiyməti müəyyən qədər yüksələcək.
Qeyd edək ki, ətri əldə etmək üçün kriptovalyuta ilə də ödəniş qəbulu həyata keçirilir. Elon Musk, kriptovalyutaların ucuzlaşması səbəbilə çox ziyan etsə də bir çox məhsulunda kriptovalyuta ilə ödəniş qəbulundan çəkinmir.
