Ötən həftə Apple şirkətinin yaxınlaşmaqdaa olan iPhone 14 seriyası smartfonlarında peyk bağlantısı funksiyası olacağı barədə məlumat vermişdik. Bu xüsusiyyət ilə iPhone modelləri mobil şəbəkənin işləmədiyi yerlərdə peyk bağlantısından istifadə edərək fövqalə təcili zənglər edə bilməyi və SMS-lər göndərməyi bacaracaqlar. Yenilik ilk növbədə ABŞ üçün aktiv istifadə ediləcək. Növbəti mərhələlərdə isə müxtəlif dövlətlərin yerli operatorları ilə və.s razılaşmalar əsasında ABŞ xaricində də yenilik tətbiq ediləcək. Lakin ortaya çıxmış xəbərlərə görə peyk bağlantısı xüsusiyyəti Android smartfonların da bir addımlığındadır.
Android 14 peyk bağlantısı dəstəyinə malik olacaq
Almaniyalı tanınmış proqram mühəndisi və Google şirkətinin Android, Chrome, Chrome OS / Play bölmələrinin baş vitse-prezidenti olan Hiroshi Lockheimer bu barədə açıqlama verib. Hiroshi Lockheimer bildirir ki, Android 14 əməliyyat sisteminin peyk bağlantısı dəstəyinə sahib olması üzərində işlər aparılır. Lakin mühəndisin açıqlamaları peyk bağlantısı ilə işləyəcək smartfonlar barədə bəzi vacib həqiqətləri ortaya qoyur.
Qeyd edilənə görə ən azından Android cihazlardakı peyk bağlantısı xüsusiyyəti 4G və ya 5G qədər sürətli olmayacaq. İstifadəçi yalnız zəruri hallarda peyk bağlantısından istifadə edə biləcək. Bu zaman isə sürət təqribi olaraq maksimum 4 mbps səviyyələrində dəyişəcək. Əslinə qalsa, regionlarımızda 4 mbps sürətinin belə bəzən çətinliklə alındığını düşünsək yetəri qədər yüksək sürət hesab edilə bilər.
Başlanğıcda SMS və MMS funksiyalarının işləyəcəyi, eyni zamanda bəzi xüsusi peyk üzərindən mesajlaşma tətbiqlərinin mövcud olacağı deyilir. Zənglər isə daha məhdud imkanlara malik olub, yalnız fövqalədə hallar zamanı istifadə üçün tənzimlənəcək.
Peyk bağlantısı yeniliyi növbəti ilin payız aylarına doğru Android 14 əməliyyat sistemi rəsmi olaraq istifadəyə veriləndə aktiv ediləcək. Google şirkətinin hədəfində isə bu yeniliyi təkcə ABŞ-də yox, bütün dünyada əlçatan vəziyyətə gətirməkdir. Bunun üçün SpaceX şirkətinin peyklərindən istifadə ediləcəyi deyilir. Böyük bir ehtimalla Starlink xidmətinin aktiv olduğu ölkələrin operatorları bu xüsusiyyət üçün razılaşma əldə etdikdən sonra peyk bağlantısı işləyə biləcək.
Peyklərə qoşula bilən smartfonlar üçün istifadəçi təcrübəsi barədə düşünmək dəlilikdir. 2008-ci ildə G1 (T-Mobile G1 HTC Dream) modelini istifadəyə verəndə 3G və WiFi texnologiyalarını hazırlamaq belə çətin idi. İndi isə biz peyklərlə bağlı layihə hazırlayırıq.
Möhtəşəmdir! Android-in sonrakı versiyasında bütün bunları mümkün etmək üçün tərəfdaşlarımıza dəstəkləməkdən məmnunluq duyuruq!
