Tanınmış avtomobil istehsalçılarının elektromobilə keçid dövrü təəssüfləndirici bir fakt da olsa bir çox sevilən avtomobilin “ölümünə” səbəb olur. Məsələn, səsi ilə yeri-göyü titrədən Dodge Charger (dodge challenger) modelinin elektromobilə çevrilməsini sizlərlə bu yaxınlarda bölüşmüşdük. Dodge Charger Daytona SRT olaraq adlandırılan modeldə Amerikalı mütəxəssislər bir çox maraqlı yenilik tətbiq etmişdi. Nəticədə Daytona SRT modeli həvəskarların diqqətini çəkməyə bacarmışdı. İndi isə Alman markası Porsche başlıqdan da təxmin etdiyiniz kimi şirkətin Macan, Panamera ve Cayenne modellərini elektromobilə çevirməyə hazırlaşır.
Porsche Taycan modelindən fərqli olaraq Panamera elektromobilə çevrilib Lucid Air, Mercedes EQS kimi modellərlə rəqabət aparacaq!
Bir çoxları Porsche Taycan modelinin Panamera modelini elektromobil kimi əvəz etdiyi düşünürdü. Lakin ortaya çıxmış məlumatlar bu məlumatın yanlış olduğunu təsdiq edir. Verilmiş məlumata görə şirkət hal-hazırda 2024-cü ilin əvvələrində bazara daxil olacaq Porsche Macan EV üzərində işləyir. Daha sonra 2027-ci ildə yeni nəsil Porsche Panamera modelinin elektromobil variantı satışa çıxarılacaq. Porsche Cayenne isə daha tez 2024-2027 aralığında elektromobilə çevrilərək Porsche Macan ilə eyni KKD platforması üzərinə inşa ediləcək.
Xüsusilə Porsche Panamera EV modelində şirkətin hədəfi Lucid Air, Mercedes EQS kimi premium elektromobillərlə rəqabətə girməkdir. Nəticədə növbəti illərdə Porsche Taycan modelinin sanki, Porsche Macan və Porsche Cayenne fərqində olduğu kimi nisbətən daha idman üslublu, Porsche Panamera ilə müqayisədə biraz daha kiçik və ucuz elektromobil olduğunu görə bilərik.
Əlavə olaraq K1 kod adına sahib Tesla Model X tipli nəhəng 7 yerli SUV modeli də hazırlıq mərhələsindədir. Porsche Cayenne ilə müqayisədə daha böyük K1 kod adlı elektromobilin Panamera ilə eyni vaxtda, 2027-ci ildə təqdim ediləcəyi deyilir. Hal-hazırda elektromobilə çevrilmə mərhələsində olan Porsche Macan, Panamera, Cayenne modellərinin daxili yanma mühərrikli və ya hibrid variantlarının istehsalı isə qarşıdakı 7 il ərzində (2030-cu ilə qədər) dayanmayacaq. Porsche 911 seriyası isə daha uzun müddət şirkət tərəfindən sintetik yanacaqlarla dəstəklənəcək. Ola bilsin ki, yalnız Porshce 911 Turbo və ya Turbo S modelləri elektromobilə çevrilmədən müəyyən hibrid qurğu əldə edə bilər. Lakin bununla bağlı dəqiq bir açıqlama yoxdur.
