“Regional İnkişaf” İctimai Birliyi Heydər Əliyev Fondunun təşəbbüsü ilə yaradılıb və birliyin əsas məqsədi cəmiyyətin sosial, ictimai və mədəni həyatında fəal iştirak edərək həyata keçirdiyi layihə və tədbirlərlə ölkəmizin inkişafına, əhalinin rifahının yüksəldilməsinə töhfə verməkdir. Belə ki, 25 avqust tarixində Şamaxı rayonunda yerləşən Təlim-Tədris Mərkəzində “ideyadan biznesə” layihəsi üzrə Dördüncü Sənaye İnqilabının Təhlili və Koordinasiya Mərkəzi, “Regional İnkişaf” İctimai Birliyi və Azərbaycan Gənclər Fondu təşkilatçılığında dövlət və özəl sektor nümayəndələrinin iştirakında “Milli innovasiya ekosisteminin regional klasterlərinin formalaşması” ilə bağlı dəyirmi masa basa baş tutub.
Regionlarda innovasiya və Dördüncü Sənaye İnqilabının texnologiyalarından istifadənin təşviqinin genişləndirilməsi məqsədilə keçirilən tədbirdə ekspertlərin məruzələri dinlənilib, sahə üzrə mövcud çağırışlar, potensial əməkdaşlığın formalalaşdırılması və digər məsələlər müzakirə olunub, təqdimatlar keçirilib və mövzu üzrə suallar cavablandırılıb. Tədbirə qatılan ekspertlər, həmçinin yay düşərgəsinin iştirakçıları “ideyadan biznesə” layihəsi çərçivəsində formalaşan startaplarla panel müzakirələrində iştirak edib, gənclərlə müvafiq sahədə fikir mübadiləsi aparıblar.
22-26 avqust tarixlərində keçirilən “İdeyadan biznesə” düşərgəsi “Regional İnkişaf” İctimai Birliyi tərəfindən Azərbaycan Respublikası Gənclər Fondunun dəstəyi ilə icra edilən “Yay Fest“ layihəsi çərçivəsində təşkil edilib.
