Xiaomi şirkətinin baş direktoru Lei Jun şirkətinin avtomobil layihəsi ilə bağlı yeni açıqlamalar verib. 2024-cü ilə qədər “avtonom” elektromobil sənayesində lider olmaq istədiklərini qeyd edən Jun, Xiaomi avtomobillərində istifadə ediləcək avtonon idarəetmə sisteminin sınaq videosunu öz tviter hesabından paylaşıb.
Satışa çıxardığı bütün məhsulları ilə gündəmdə olmağı bacaran Çinin texnologiya nəhəngi Xiaomi, elektromobil layihəsi ilə bir müddətdir gündəmdədir. Bir neçə ildir iddialar arasında olan avtomobillə bağlı ilkin detallar isə nəhayət ötən gün rəsmiləşib. Xiaomi tərəfindən verilən açıqlamalara görə 2025-cü ilə qədər elektromobil yollarda olacaq.
Əslində Xiaomi şirkətinin avtopilot testləri ilə bağlı ötən ay sizə cəsus görüntüləri təqdim etmişdik. Şirkətin baş direktoru Lei Jun bu layihə ilə bağlı mühim açıqlama verib. Tviterdə paylaşılan açıqlamaya görə, Xiaomi 140 avtomobil ilə Çin yollarında gəzərək avtopilotu test edəcək. Təxmin etdiyiniz kimi, bunun səbəbi avtomobilin avtonom idarəetmə sisteminin sınaqdan keçirilməsidir.
Lei Jun, öz ifadələrini belə qeyd edir:
Xiaomi elektromobil sənayesinə 500 gün əvvəl girib. Avtonom sürücülük üçün 500-dən çox işçi cəlb edilib. İlkin Elmi-Tədqiqat və Təkmilləşdirmə mərhələsində 3,3 milyard yuan (təxminən 500 milyon dollar) sərmayə qoyulması nəzərdə tutulub və komanda özünü alqoritmlərin inkişafına həsr edib. 2024-cü ildə biz ən yaxşı sektorun ən yaxşısı olmağı hədəfləyirik .
Lei Jun başqa bir Tviter paylaşımında yuxarıda gördüyünüz avtonom sürüş videosu yer alıb. Bu video Xiaomi-nin elektrik avtomobilinin avtopilot idarəetmə sisteminin nə təklif etdiyini nümayiş etdirir. “Bizim sınaq avtomobilimiz müxtəlif şəraitlərdə təhlükəsiz və rəvan sürüş təcrübəsi təklif edir. Ən sevdiyim test sürüşlərindən bəziləri üçün aşağıdakı videoya baxa bilərsiniz” deyə Lei Jun qeyd edir.
Xiaomi şirkətinin avtopilot təqdimatından əlavə robot da nümayiş etdirməsi ağıllara Teslanı gətirib
Elə yuxarıdakı şəkildə gördüyünüz Xiaomi avtopilot monitoru göstərilərkən, Tesla şirkətinin tam avtonom idarəetmə ekranı ilə olan bənzərlik diqqətləri çəkmişdi. Təqdimatın davamında avtopilotdan sonra şirkət CyberOne adlı robotunu nümayiş etdirdikdə, çoxlarının ağlına Tesla Bot gəlib. Avtopilotla əlaqəli elektromobil bazarında lider olmaq istədiklərini dəfələrlə vurğulayan şirkət rəhbəri (adı çəkilməsə də Teslanı qabaqlayaraq), üstəlik Tesla şirkətinin yaxın gələcəkdə təqdim edəcəyi insana bənzər robotuna rəqib ortaya qoyması diqqətləri Xiaomi firmasına yönəldib.
Robot barədə qısa məlumat versək 177 sm hündürlüyə və 52 kq çəkiyə sahib CyberOne robotu 3,6 Km/s sürətlə 2 ayağı üzərində yeriməyi bacarır. Tək əli ilə 1.5 kq yük daşımağı bacaran CybeOne, süni intellekt əsaslı Mi Sense texnologiyası ilə ətraf mühiti, insanları tanıya bilər. Eyni zamanda üzündəki OLED ekranla öz emosiyalarını nümayiş etdirə və ya insanların 45-ə qədər emosiyasını tanıya bilər. Robot hələ ki, yalnız insan nəzarəti altında işləmək üçün uyğun vəziyyətdədir.
Sizin bu haqqdakı düşüncələriniz nələrdir? Bizimlə paylaşmaqı unutmayın!
