PlayStation VR2 modeli Sony şirkətinin yeni nəsil virtual reallıq eynəyi olacaq. Belə ki, şirkətin rəsmi bloqunda cihazın yeni funksiya və imkanları haqqında məlumat paylaşıblar.
PS VR2: See-Through View funksiyası nəyə yarayacaq?
Aşağıdakı şəkillərdə PlayStation VR2 virtual reallıq eynəyinin əsas ayarlarını göstərən pəncərə görə bilərsiniz. Həmçinin xüsusi See-Through View rejimi vasitəsi ilə PS VR2 virtual reallıq eynəyinin kontrollerlərinə baxa bilərsiniz.
See-Through View
See-Through View funksiyası ilə istifadəçilər lazım olduqda, eynəkdəki kameralar vasitəsi ilə ətrafı görə biləcəklər. Bu funksiya virtual reallıq eynəyi başa taxılı olduqda və siz PS VR2 kontrollerların otaqda harada olduğunu yoxlamaq üçün lazımdır. Virtual reallıq və reallıq arasında keçid etmək üçün fiziki düymə quraşdırılmışdır. Bunu həmçinin idarəetmə menyusu vasitəsi ilə də etmək mümkündür. See-Through View rejimində görüntü ağ-qara olacaq, kameralar ilə video çəkilişlərə isə icazə verilməyəcək.
Oyun zamanı canlı yayım
Yeni canlı yayım funksiyası PS VR2 istifadəçilərinə özlərini çəkməyə imkan verəcək. Bunun üçün PS5 oyun konsolunun HD kamerasını qoşmaqla kontenti yayıma ötürə biləcəksiniz. Bu halda izləyicilər həm oyunun gedişatını, həm oyunçunu görə biləcəklər. Şəkildə göstərildiyi kimi, oyuncunun görüntüsü üstdə olacaq.
PS VR2-də fərdi oyun sahəsi
İstifadəçinin oyun sahəsi PS VR2 Sense kontroller və quraşdırımış kameralar vasitəsi ilə müəyyən ediləcək. Kameralar otağı skan etməyə imkan verəcək, bununlada ətrafda olan əşyalar və otağın sərhədləri müəyyən olunacaq. PS VR2 Sense kontrolleri isə lazım olduqda oyun sahəsini genişləndirə biləcək. Həmçinin oyuna uyğun olaraq oyun sahəsini tənzimləmək mümkündür.
İstifadəçi oyun sahəsindən kənara çıxdıqda avtomatik olaraq bildiriş verəcək. Eyni zamanda siz oyun sahənizi hər bir otağa uyğun tənzimləyə biləcəksiniz.
PS VR2 iki kontent izləmə rejimi dəstəkləyəcək
VVR rejimi – 4000×2400 piksel (hər gözə 2000×2040), HDR, 110° baxış sahəsi (orijinal PS VR-dan 10° daha çox), 90Hz və ya 120Hz yeniləmə tezliyi ilə tam virtual reallıq yaşadacaq. Kinematoqrafik rejim (Cinematic Mode), PS5 sistemini və interfeysini, həmçinin bütün VR bağlı olmayan oyunları və media kontentini nümayiş etdirəcək virtual kinoteatr olacaq. Bu rejimdə 1920 × 1080, HDR və 24, 60 və ya 120 Hz yeniləmə tezlikli görüntülər dəstəklənir.
Yenililklər nə zaman istifadəyə veriləcək ?
Yuxarıda qeyd olunan bütün funksiyalar yaxın gələcəkdə yeniləmənin çıxması ilə tərtibatçılar üçün istifadəyə veriləcək. Sony şirkəti yaxın zamanda PlayStation üçün çıxacaq yeni VR haqqında ətraflı məlumat verəcəyi gözlənilir. Hansı ki, satışa çıxma tarixi məlum olacaq və oyunlar anons ediləcək.
Bir müddət öncə PlayStation şirkətinin rəhbəri Jim Rayan söz vermişdir ki, PS VR2 satışa çıxması ilə bərabər 20 oyun istifadəyə veriləcək. Burada daxil və xarici studiyalardan oyunlar olacaq. Bütün məlumatları nəzərə alsaq, PS VR2 həqiqətən 2023-ci ilin əvvəlində çıxacaq. Cihazın və oyunların rəsmi təqdimatı isə bu ilin sonuna qədər baş tutmalıdır.
