Beləliklə, 1993-cü ildən bu yana 30 ildir insanların xeyli sevgisini qazanan FIFA oyunu tarixin tozlu rəflərinə göndərilir. Bu ilin may ayında EA Sports tərəfindən FIFA oyununun artıq EA Sports FC olaraq adlandırılacağı bildirilmişdi. EA şirkətinin baş icraçı direktoru Andrew Wilson isə FIFA rəhbərliyinə 30 illik əməkdaşlıqları üçün minnətdar olduqlarını qeyd etmişdi. Ötən axşam EA və FIFA əməkdaşlığında hazırlanan son oyun olacaq FIFA 23 anons edilib. Eyni zamanda EASports FIFA rəsmi YouTube kanalı üzərindən FIFA 23 oyununun ilk oynanış videosu yayımlanıb. FIFA 23, 30 sentyabrda PlayStation 5, PlayStation 4, Steam, Xbox One, Xbox Series, Epic Games, Stadia platformalarında əlçatan olacaq. Oyunun ön sifariş qiyməti Epic Games üzərində hal-hazırda 89.99 dollar təşkil edir.
EA tərəfindən hazırlanan FIFA 23 hansı xüsusiyyətlərə malik olacaq?
Oyunda daha həqiqi hissiyat yaşadan HyperMotion 2 texnologiyası PC versiyasına əlavə ediləcək. HyperMotion 2 texnologiyasının köməyi ilə 6000-dən çox animasiya real dünyadakına bənzər görünəcək şəkildə hazırlanıb. Nəticədə oyunçular daha realistik hərəkət edə biləcəklər. Oyuna 19000-dən çox oyunçu, 700-dən çox komanda, 100 stadion, 30-dan çox liqa gətirilib.
EA ilk dəfə olaraq FIFA 23 oyununa qadın futbol klubu xüsusiyyətini də daxil edib. Xüsusilə HyperMotion 2 funksiyası ilə oyunlarda qadın oyunçuların hərəkətləri və animasiyaları da çox yaxşı formada işlənib. Əlavə olaraq oyunçular üçün FIFA 23 Ultimate Tram, FIFA World Cup tərəfində bəzi yeniliklər əlavə edilib ki, oyunda öz karyerasını qurmaq istəyənlərə geniş imkanlar təqdim ediləcək. Əgər oyun oynamağı sevirsinizsə, bir-birindən güclü oyun notbukları və aksesuarları üçün Gamenote-u ziyarət etməyi unutmayın.
