İT sahəsinə keçmək istəyirsiniz, amma kursların qiyməti cibinizə uyğun deyilsə yaxın gəlin!
Rəsmi məlumata görə, “Kontakt” və “Div Academy”nin birgə tərəfdaşlığı ilə həyata keçirilən məşhur “Gələcəyi Yazanlar” təqaüd proqramının artıq 3-cü dalğasına start verilib. Layihənin əsas məqsədi gələcəyin ən çox tələb olunan peşələri olan Kibertəhlükəsizlik, Süni İntellekt mühəndisliyi, Data Science və IT Business Analyst kimi innovativ sahələrdə tam 500 nəfər peşəkar kadr yetişdirməkdir.
Bəs təqaüd nələri əhatə edir? Proqramda iştirak haqqı qazanan gənclər bu sahələrdə 60% və ya 40% təqaüdlə təhsil alma şansı əldə edəcəklər.
Layihə çərçivəsində onlara 24/7 açıq olan “bootcamp” mühitində praktik biliklərini təkmilləşdirmək, ixtisaslaşmış HR-larla şəbəkələşmək imkanı yaradılacaq. Ən əsası isə, tədrisi bitirdikdən sonra gənclər ölkənin nüfuzlu şirkətlərində birbaşa iş və təcrübə imkanı da qazanacaqlar.
