Ötən günlərdə sadəcə məhdud sayda satışa çıxarılan yeni NVIDIA GeForce RTX 5090 və 5090D qrafik kartları ilə bağlı şikayətlər başlayıb. Belə ki, inanılmaz sayda tələb görən qrafik kartını sınamaq şansı olanlar çox müsbət rəy bildirmirlər. Hətta, Çin forumlarında NVIDIA-nın GeForce RTX 5090D qrafik kartının xarab olması ilə bağlı çoxlu məlumatlar var. Problemlər əsasən Colorful, Manli və Gigabyte istehsalçılarının kartlarından qaynaqlanır.
İstifadəçi hesabatlarına görə, Nvidia-dan ən son sürücüləri quraşdırmadan əvvəl iki dəfə düşünmək lazımdır. Bir istifadəçi GeForce RTX 5090D qrafik kartına yeniləndikdən sonra ekranının qaraldığını bildirib. İstifadəçi bildirib ki, DP və HDMI girişlərini yoxlamağa baxmayaraq, qrafik kartı artıq aşkarlanmayıb. Başqa bir istifadəçi oxşar problemlə üzləşib. O, sürücünü quraşdırdıqdan sonra video kartın sistem tərəfindən tanınmadığını bildirib. Bu məsələ 5090D ilə məhdudlaşmır. CMOS klirinq həllinin işləmədiyi bildirilib.
Bəzi istifadəçilər PCIe seçimini 5.0-dan 4.0-a dəyişdirərək problemi həll etdiyini paylaşsalar da, bu hələ problemin təsdiqlənmiş həll yolu hesab olunmur. Digər tərəfdən, bir test mərkəzi Nvidia RTX 5090 da daxil olmaqla müxtəlif kartların stress testindən sonra əriyən kabellərin görüntüsünü paylaşıb. Lakin, proses təfərrüatlı olmadığı üçün bu həvəskarlar arasında böyük şübhə doğurur. Onu da qeyd edək ki, indiyədək RTX 50 seriyalı qrafik kartların əriməsi və ya zədələnməsi ilə bağlı heç bir şikayət olmayıb. Hansı ki, ötən il RTX 4090 qrafik kartları ilə bağlı Nvidia hətta məhkəməlik olmuşdu. İstifadəçilər qrafik kartlarının əridiyini bildirirdi. Bundan sonra isə Nvidia istifadəçilərin kabeli düzgün quraşdırmadığını iddia etmişdi.
