Səudiyyə Ərəbistanı bir sıra iddialı tikinti layihələri vasitəsilə səhra mənzərəsini dəyişdirmək üçün böyük səylər göstərməyə davam edir. Belə ki, Ərəbistanda səmərəliliyi artırmaq və prosesi sürətləndirmək üçün hökumət Avropanın GMT Robotics şirkətindən robot mexanizmlərdən istifadə etmək qərarına gəlib.
Qeyd edək ki, Səudiyyə Ərəbistanında həyata keçirilən ən iddialı layihələrdən biri Neom adlanır. Bu layihə ölkənin şimal-qərb hissəsindəki Təbuk inzibati rayonunda yerləşən ərazilərin inkişafını nəzərdə tutur. Layihənin əsas məqsədi hazırda əsasən neftlə bağlı olan iqtisadiyyatın turizmə istiqamətlənməsinə kömək etməkdir. Yaxın illərdə mədən yanacaqlarından istifadə azalacaq, ona görə də yerli hakimiyyət orqanları yeni gəlir mənbələri tapmağa can atırlar və onların arasında turizm inkişaf üçün çox perspektivli sahədir.
Neom layihəsinə tam hüquqlu Line layihəsinin, əkiz Epicon göydələnlərinin və əlaqəli infrastrukturun tikintisi daxildir. Aydındır ki, belə irimiqyaslı layihənin həyata keçirilməsi böyük miqdarda material və insan tələb edir. Məhz bu səbəbdən avtomatlaşdırılmış robot texnikasının istifadəsinə keçidin sərf olunan materialların miqdarını və tikintidə iştirak edən insanların sayını azaltacağı gözlənilir. Habelə, istifadə olunacaq robotların növləri və imkanları ilə bağlı təfərrüatlar hələ açıqlanmayıb.
