Volkswagen şirkəti 27 iyunda təqdim olunacaq elektrik sedanı ID.Areo avtomobilinin render görüntülərini paylaşıb. İlkin olaraq 2023-cü ilin ikinci rübündən etibarən Çində satışa çıxarılacaq avtomobilin ilin sonuna doğru Şimali Amerika və Avropa bazarlarına çıxacağı gözlənilir.
Volkswagen tərəfindən hazırlanmış ilk tam elektrikli sedan modelindən yeni görüntülər gəlməyə davam edir. Test-drayv zamanı nümayiş olunan və Passat sedanını əvəz edəcəyi gözlənilən Aero B kod adlı modelin möhtəşəm görüntüləri məlum olub.
ID.Aero adlanacaq avtomobilin yekun versiyasının istehsala ən yaxın canlı konseptinin 27 iyunda təqdim ediləcəyi gözlənilir. 2023-cü ildə yollarda olması planlaşdırılan elektrik avtomobili əvvəlcə Çində, sonra isə Amerika və Avropa yollarında olacaq.
Avtomobil, Volkswagen-in elektrik ID ailəsinin digər üzvləri kimi, MEB platformasından istifadə etməklə istehsal olunacaq. Volkswagen tərəfindən paylaşılan görüntülərlə, Jetta-dan ilhamlanan avtomobilin test sürüşündə gizlədildiyi avtomobil rəsmi olaraq təsdiqlənmiş hesab olunur.
Şəkillərdə də göründüyü kimi, ID.Aero alçaq ön kapotu, nazik LED fənərləri və loqoya birləşdirilən nazik işıq zolağı ilə digər ID modellərini xatırladır. Bamperdəki şaquli üçbucaqlı hava girişləri və onun ətrafındakı detallar avtomobili qəşəng və idmansayağı edir.
Adının qarşısındakı ID-dən də göründüyü kimi, bu konsept avtomobil tam elektrikdir. Volkswagen-in ID elektrik seriyasındakı ilk sedanıdır. Volkswagen-ə görə, bu avtomobil “qeyri-adi aerodinamikası, zərif dizaynı və geniş sahəsi“ olan ilk limuzinləri ola bilər.
Şəkildə qapı tutacaqları görünməsə də əvvəlki şəkillərdə qapı tutacaqlarının gizli istifadə ediləcəyini təxmin edirik. Elektrikli Passat-a yan tərəfdən baxdığımızda iri gümüşü-qara qarışıq təkərlər və enli xətlər diqqəti cəlb edir.
Bu render görüntüləri konsept olduğundan, istehsal olunacaq versiyada təbii ki, kiçik dəyişikliklər olacaq. Volkswagen-in ID.Aero modelinin texniki detalları hələ aydın deyil, lakin əvvəlki iddialara görə, avtomobil 700 km-ə qədər məsafəni təmin edən 84 kVt/saatlıq batareyaya malik ola bilər.
Volkswagen-in təqdim etdiyi təsvirlərdən mühakimə etmək çətin olsa da avtomobilin uzunluğu 196,85 düymdür. Bu, onu Tesla Model S ilə eyni ölçü kateqoriyasına daxil edir. Mercedes EQS və BMW i7-dən bir qədər kiçikdir. Bəs siz bu mövzu haqqında nələr fikirləşirsiniz? Fikirlərinizi bizimlə bölüşməyi unutmayın.
