Samsung brendinin yeni aldığı patent, şirkətin yeni cihaz üzərində işlədiyini ortaya çıxarıb. Belə ki, Samsung tərəfindən hazırlanan bu smartfon sadəcə toxunulan yerdən titrəyən xüsusi ekran paneli ilə təchiz ediləcək.
Cənubi Koreyanın texnologiya nəhəngi Samsung, daha əvvəl görmədiyimiz smartfon üzərində işləməyə davam edir. Şirkətin yeni patentində ortaya çıxan smartfon, toxunma ilə bağlı rəy funksiyasını tamamilə yeni səviyyəyə çatdırır. ABŞ Patent və Ticarət Nişanları İdarəsi (USPTO) tərəfindən nəşr olunan patent, xüsusi ekran panelinə aiddir. Bu ekran paneli, toxunuşu dəqiq ölçə bilən təbəqə ilə dəstəklənir. Bundan əlavə, bu təbəqədə çox həssas vibrasiya vahidləri də mövcuddur. Proqram təminatı ilə dəstəklənəcək texnologiya vibrasiya qurğularının yalnız toxunuşu aşkar edən hissələrdə işləməsini təmin edəcək.
Qeyd edək ki, Samsung hər il saysız-hesabsız patent alır, lakin bu patentlərin yalnız bəziləri kütləvi istehsal mərhələsinə çatır. Ona görə də Samsung brendinin yalnız toxunulan yerdən titrəyən smartfon ilə bazara çıxıb-çıxmayacağı hələlik məlum deyil. Daha əvvəl də, şirkət bir sıra qeyri-adi texnologiyalar sahib patentlər alsa da, onların heç biri gün işığına çıxmayıb. Ümumiyyətlə, yeni ortaya çıxan bu texnologiyanın hansı məqsədə sahib olduğu da məlum deyil. Hələlik Samsungun patenti haqqında çatdıra biləcəyimiz məlumat bundan ibarətdir.
