Sony şirkətinin yeni məlumatlarına görə, PS5 və ya başqa adı ilə PS5 bu günə qədər ən gəlirli konsol seriyası adını qazanıb. Hətta bu konsol seriyasını bəzi analitiklər pul çap edən maşın kimi təsvir ediblər. Beləliklə, Sony satışlarda Xbox One seriyasını geridə qoyaraq, PS5-ın bu günə qədər ən gərirli konsol seriyası olduğunu açıqlayıb.
Qeyd edək ki, şirkətin bu məlumatları daxili Oyun və Şəbəkə Xidmətləri biznes hesabatlarından əldə edilən təqdimatlara əsaslanır. Sony-nin paylaşdığı təqdimata görə, PS5 satışa çıxarıldığı gündən bəri 106 milyard dollarlıq satış əldə edərək ən gəlirli konsol seriyası adını qazanıb. Sony, PS5-in 2020-ci ilin Noyabr ayında satışa çıxarılmasından bəri 106 milyard dollarlıq satış əldə etdiyini açıqlayıb. Lakin burada qeyd etmək lazımdır ki, satış rəqəmi sadəcə PS5 aparat və proqram təminatı satışlarına aid deyil, həm də bu konsol üçün nəzərdə tutulan şirkətin bütün oyun bizneslərini əhatə edir.
Hazırda statistikaya nəzər salsaq 2013-2019-cu illəri əhatə edən 7 il boyunca, PS4 konsol seriyası şirkətə 107 milyard dollar qazandırıb. Lakin PS5 seriyası sadəcə 4 il ərzində bu rəqəmə çatmağı bacarıb. Qeyd edək ki, bu rəqəmin gələcəkdə daha da artması istisna edilmir. Analitiklərə görə, yeni konsol seriyasının bu qədər satış rəqəmi əldə etməsində əsas səbəb oyun həvəskarlarının xərclərini artırmasıdır.
