Apple şirkətinin WWDC24 təbdirinə sadəcə bir neçə gün qalsa da, iOS 18 ilə iPhone modellərinə gələcək yeni süni intellekt xüsusiyyətləri məlum olub. Belə ki, yeni iOS versiyası ilə birlikdə köməkçimiz Sİri daha bacarıqlı hala gələcək.
Yeni hesabata görə, Apple iOS 18-də mesajlar üçün ağıllı cavablar və fotoşəkillər üçün məhsuldar retuş aləti də daxil olmaqla yeni süni intellekt xüsusiyyətlərini təqdim etməyi planlaşdırır. Həmçinin bildirilir ki, Siri insanlar, qurumlar, təqvim hadisələri və yerlər kimi məlumatları artıq daha yaxşı başa düşəcək. Xatırladaq ki, ötən günlərdə Apple şirkətinin süni intellekt tərəfində OpenAI ilə əməkdaşlıq etməyi planladığı, hətta danışıqların bitməyə yaxın olduğu ortaya çıxmışdı. Bu isə o deməkdir ki, yaxın günlərdə baş tutacaq tədbirdə bizi daha ağıllı və məhsuldar iPhone modelləri qarşılayacaq.
Siri, smartfon uzaqda olarkən aldığınız bildirişlər barədə sizi xəbərdar edəcək yeni funksiya əldə edir. Greymatter Catch Up kimi tanınan bildiriş ümumiləşdirmə xüsusiyyəti ilə Siri əlaqələri, şirkətləri, təqvim hadisələrini, yerləri, tarixləri və daha çoxunu nəzərə alaraq xülasə yaradacaq. Siri həmçinin mesajlardan tutmuş uzun məqalələrə qədər hər şeyi ümumiləşdirə biləcək. Nəhayət, Siri-nin iOS 18 ilə daha təbii səslərə sahib olacağı deyilir. Apple həmçinin iOS 18-də müəyyən proqramlar üçün süni intellektlə dəstəklənən bir sıra digər funksiyalar üzərində işləyir. Ağıllı Cavablar istifadəçilərə mesajlara və e-poçtlara avtomatik yaradılan mətnlə cavab verməyə imkan verəcək. Qeydlər proqramı üçün yeni süni intellekt alətləri istifadəçilərə səsi mətnə çevirməyə, mətni ümumiləşdirməyə və səsi redaktə etməyə imkan verəcək.
O cümlədən, Qeydlər proqramı və Kalkulyator birlikdə işləyəcək. Hətta bu proqram artıq riyazi tənlikləri belə tanıyacaq, həllər təqdim edəcək və qrafiklər quracaq. Qeyd edək ki, Apple 10 iyunda keçiriləcək WWDC24 tədbirində iOS 18 və digər əməliyyat sistemlərinə gətirdiyi yeni süni intellekt xüsusiyyətlərini nümayiş etdirəcək.
