Beləliklə, qatlana bilən smartfon bazarında yeni lider Huawei şirkəti olub. Çinli texnologiya nəhəngi ilk dəfə Samsung şirkətini qatlana bilən smartfon bazarında ikinci yerə sala bilib. Ümumiyyətlə, Samsung şirkəti qatlana bilən smartfon bazarını başlatdıqdan sonra, uzun müddətdir ki, liderliyi heç kimə buraxmırdı. Bu gün isə bir ilk yaşandı və Samsung liderliyi əldən verdi.
![qatlana bilən Huawei](https://tedroid.com/media/2024/05/qatlana-bilen-smartfon-huawei-lider.jpg)
Counterpoint Research 2024-cü ilin ilk rüb məlumatlarını paylaşıb. Şirkətin paylaşdığı qlobal məlumatlara görə, birinci rübdə qatlana bilən smartfon bazarının lideri 35 faiz bazar payı ilə Huawei olub. Samsung 23 faiz bazar payı ilə ikinci, Honor isə 12 faiz bazar payı ilə üçüncü olub. Counterpoint Research-in daha əvvəl açıqladığı məlumatlara görə, Apple birinci rübdə Avropa smartfon bazarında yeganə gəlir itirən şirkət olmuşdu. Avropanın smartfon bazarı 2024-cü ilin birinci rübündə 2023-cü ilin birinci rübü ilə müqayisədə 10 faiz artıb, burada əsas adlar arasında yeganə uduzan 1 faiz azalma ilə Apple olmuşdu.
Samsung 2024-cü ilin birinci rübündə 2023-cü ilin birinci rübü ilə müqayisədə 7 faiz, Honor 67 faiz, Realme 59 faiz, Xiaomi 11 faiz inkişaf edib. Counterpoint Research-in məlumatına görə, Avropada sənayenin birinci rüb lideri Samsung olduğu halda, bir çox Avropa ölkəsində Realme-nin telefon satışları əhəmiyyətli dərəcədə artıb. Ümumiyyətlə, son dövrlərdə Huawei şirkəti ABŞ sanksiyalarına rəğmən yeni texnologiyalar inkişaf etdirir və bütün diqqətləri öz üzərinə çəkir.