Bildiyimiz kimi, ağıllı və avtonom avtomobillər dünyada geniş şəkildə yayılmağa davam edir. Bu proses sürətləndikcə ənənəvi işıqforların dəyişdirilməsi və yeni rənglərin işıqforlara əlavə edilməsi müzakirə olunur. Belə ki, yeni ortaya çıxan xəbərə görə, işıqforlara ağ rəngin əlavə edilməsi müzakirə mövzusuna çevrilib.
![işıqforlara ağ](https://tedroid.com/media/2024/05/isiqforlara-ag-reng-elave-olunmasi-muzakire.webp)
Ümumiyyətlə işıqforlar həyatımıza 100 ildən artıqdır ki, daxil olub və hələ də öz fəaliyyətini davam etdirir. Bununla belə, ağıllı və avtonom nəqliyyat vasitələri geniş yayıldıqca, bu sistemlərdə böyük dəyişiklik edilməli olduğunu düşünür. Məlumata görə, işıqforlara qırmızı, sarı və yaşıl rənglərdən sonra ağ rəngin əlavə edilməsi müzakirə olunur.
![işıqforlara ağ](https://tedroid.com/media/2024/05/isiqforlara-ag-reng-elave-olunmasi-muzakire-1.webp)
Şimali Karolina Dövlət Universitetinin mühəndis professoru Əli Hajbabainin rəhbərlik etdiyi komanda bugünkü yol siqnallarını ləğv etmək əvəzinə, yolda kifayət qədər avtonom nəqliyyat vasitələrinin mövcudluğunu göstərmək üçün dördüncü işığı əlavə etməyi təklif edir. Onun yanaşmasına görə, yeni işıq siqnalı qarşınızdakı avtomobili izləməlisiniz mənası verəcək. Tədqiqatçıların fikrincə, bu cür yanaşma üçün yoldakı nəqliyyat vasitələrinin 40-50 faizinin sürücüsüz olması lazımdır. Beləliklə, bu yanaşmanın tətbiqinə bir neçə ildən çox vaxt qalıb deyə bilərik.
Digər tərəfdən, Miçiqan Universitetinin tədqiqatçıları da işıqforlarla bağlı fərqli bir araşdırma aparıblar. Tədqiqatçılar, General Motors avtomobillərində mövcud olan sürət və yer məlumatlarından istifadə edərək şəhərin işıqforlarındakı vaxtları dəyişmək niyətindədirlər. Məhz bu yanaşma sadəcə avtonom deyil, həm də sürücülü avtomobillər üçün əlaqəli olduğundan daha geniş layihə hesab olunur. Habelə, bu layihənin yaxın günlərdə müəyyən şəhərlərdə həyata keçiriləcəyi bildirilir.