Microsoft, internetlə tamamilə əlaqəsiz bir süni intellekt modeli hazırlayaraq, artıq ABŞ kəşfiyyat agentliklərinin çox məxfi məlumatları təhlil etməsinin mümkün olduğunu açıqlayıb. Beləliklə, ABŞ mərkəzli Microsoft şirkəti ABŞ kəşfiyyatı üçün tamamilə təhlükəsiz və izlənilmə ehtimalı olmayan süni intellekt hazırlayıb. Bu süni intellektdən istifadə edərək, ABŞ kəşfiyyat orqanları indi çox məxfi məlumatları təhlil etmək üçün qabaqcıl texnologiyanın gücündən istifadə edə biləcəklər.
ABŞ şirkətinin yüksək vəzifəli direktoru bildirib ki, ilk dəfə olaraq böyük dil modeli internetdən tamamilə ayrı işləyir. Məlum olduğu kimi, OpenAI, Microsoft və Google-un məşhur süni intellektləri ChatGPT, Copilot və Gemini internetə bağlı, yəni bulud sistemi ilə işləyir. Bununla belə, kəşfiyyat agentlikləri üçün getdikcə artan məxfi məlumatları ümumiləşdirmək və onları təhlil etmək getdikcə çətinləşir. Bu nöqtədə süni intellektin istifadəsi həll yolu olaraq görülür. Kəşfiyyat agentliklərində süni intellektin istifadəsi əslində riskli bir vəziyyətdir, çünki bu modellər hücum zamanı məlumat sızdıra və ya digər zərərli nəticələr verə bilər.
Microsoft şirkətinin strateji missiyalar və texnologiya üzrə baş texnologiya direktoru William Chappell bildirib ki, onlar təhlükəsizlik məsələsini həll edə bilmək üçün GPT4 əsaslı modeli və onu dəstəkləyən əsas elementləri internetdən təcrid olunmuş bir buludda yerləşdiriblər. Bununla da, süni intellekt internetdən tamamilə ayrı olduğu üçün onun hakerlərin hücumuna məruz qalması imkansız hala gəlib.
