Bildiyimiz kimi, Çin avtomobil bazarında xüsusilə elekrikli avtomobil bazarında olduqca yüksək rəğbətlə qarşılanır. Məhz ötən aylarda təqdim edilən yeni Xiaomi SU7 modeli bunu bir daha sübut edə bilər. Çinli avtomobil nəhəngləri Avropalı və ABŞ-lı rəqiblərindən fərqli olaraq daha ucuz qiymətə daha performanslı modellər təqdim etdiyi üçün bütün diqqətləri öz üzərlərinə cəlb edə bilirlər. Qeyd edək ki, yeni məlumatlara görə, Xiaomi SU7 təqdimatı avtomobil bazarında bəzi endirimlərə səbəb olub.
Ümumiyyətlə Çin elektromobilləri ilə rəqabət aparmaqda çətinlik çəkən avtomobil nəhəngləri Xiaomi SU7 modeli təqdim edildikdən sonra avtomobil bazarında endirimlərə start verib. Hələlik endirimlərin əksəriyyəti Çin bazarı üçün nəzərdə tutulsa da gələcəkdə qlobal bazar üçün də keçərli ola bilər. Qeyd edək ki, BMW 3 seriyasının qiyməti Çində 80000 min yuan yəni 12 min dollar, Mercedes-Benz C-nin qiyməti isə 75000 yuan yəni 11 min dollar ucuzlaşıb.
Bununla yanaşı ötən gün qlobal bazarda olduqca yüksək satış rəqəmlərinə malik olan Tesla brendi, qlobal bazarda elektrikli avtombillərinə endirim tətbiq edib. Şirkət ABŞ-da Model Y, Model X və Model S avtomobillərinin hər birinin qiymətini 2000 dollar ucuzlaşdırıb. Qiymətin aşağı salınması ilə Model Y-nin əsas versiyasının qiyməti 42.990 dollara düşüb, Long Range və Performance variantları isə müvafiq olaraq 47.990 və 51.490 dollar olub. Model S-in baza versiyası da 72 990 dollara düşüb. Hazırda Model S Plaid qiyməti 87 990 dollardan, Model X Long Range və Model X Plaid isə 77 990 və 92 990 dollardan başlayır.
