BMW bu yaxınlarda elektrik SUV model iX təqdim etmişdi. Təxminən 500 kilometrlik məsafə təqdim edən SUV modeli markanın elektrikli vasitədən istifadə etməyidə əhəmiyyətli bir yerə sahibdir. İndi Bavariya istehsalçısı təklif etdiyi yeni batareya texnologiyası ilə elektrikli nəqliyyat vasitələrinin ən böyük problemi olan məsafə problemini aradan qaldırmağı hədəfləyir.
BMW və Our Next Energy (ONE) şirkətlərinin birgə işi nəticəsində yaradılmış yeni iX prototipi mühüm inkişafa malikdir. Hələ sınaq mərhələsində olan elektrik modeli, ikili kimyəvi batareyası ilə qət edilə bilən məsafə problemini böyük ölçüdə həll edə bilər.
ONE şirkətinin Gemini adlandırdığı batareyanın il sonuna qədər iX modelini gücləndirməsi planlaşdırılır. Yeni batareya ilə elektrik SUV modelinin məsafəsi də iki dəfə artırılacaq. Açıqlanan rəqəmlərə görə, hazırda 520 km məsafə qət edən BMW iX təxminən 965 km məsafəni qət edəcək.
Elektrikli avtomobillər son illərdə böyük irəliləyiş əldə etsə də, soyuq havalarda və yüksək sürətlə hərəkət batareyanın əhəmiyyətli bir hissəsini itirirlər. Yeni batareya texnologiyası istifadəçilərin qarşılaşdığı bu məsafə problemlərini minimuma endirmək məqsədi daşıyır.
Bu məqsədlə ONE iki fərqli kimyəvi quruluşa malik yeni bir batareya hazırlayıb. Bu batareya paketi xüsusi proqram təminatı ilə təchiz edilmişdir. Beləliklə, iki fərqli kimyəvi quruluşa sahib batareyanın istifadəyə, real şəraitə görə enerjini hansı hüceyrədən verəcəyi tənzimlənir.
Batareya paketlərindən biri birbaşa mühərrikləri gücləndirir. Litium–dəmir–fosfat komponentlərindən ibarət olan LFP batareyası intensiv enerji tutumuna malik olmasa da, ucuz və güclü quruluşu ilə seçilir. Bu tərkibə malik batareya paketləri dəfələrlə doldurularaq uzun illər istifadə etməyə yararlıdır. Batareyanın bu hissəsi 240 km-dən daha az məsafəyə qısa səfərlər üçün nəzərdə tutulub. Batareyanın digər hissəsi daha bahalı materiallara sahib enerji sıxlığı yüksək hüceyrələrdən ibarət olacaq. Uzun məsafələrə, əlavə güc ehtiyac olduqda və.s istifadə ediləcək bu hissə bir növ tələbə görə işə düşəcək..
Əksər istifadəçilər yalnız müəyyən hallarda öz elektrik avtomobillərinin maksimum mənzilindən istifadə edə bilirlər. Məsafə genişləndirici funksiyasını yerinə yetirən batareyanın ikinci hissəsi davamlı olaraq doldurulmayacaq, buna görə də ömrü daha uzun olacaq.
Daha əvvəl Nissan Leaf modelində gördüyümüz bu sistem BMW iX-də daha çox təkmilləşdirilmiş görünür. Baxmaq lazımdır ki, araşdırmalar nəticəsində avtomobilin həqiqi yürüyüş məsafəsi nə qədər olacaq. Bəs siz bu mövzu haqqında nə fikirləşirsiniz Fikirlərinizi bizimlə bölüşməyi unutmayın.
