Bildiyimiz kimi, Apple şirkətinin bütün iPhone modellərində xroniki parıltı problemi mövcud olmuşdur. Yeni nəsil cihazlarda bu problem ciddi dərəcədə azalsa da, hələ də kamera ilə şəkil çəkərkən bəzi xroniki parıltı problemləri ortaya çıxa bilir. Apple şirkətinə yaxın olan mənbələrin məlumatına görə isə şirkət indi iPhone 16 Pro və iPhone 16 Pro Max modellərində yeni kamera texnologiyasını sınaqdan keçirir.
Demək olar ki, bütün iPhone modellərində mövcud olan xroniki linza parıltı problemi artıq tamamilə aradan qalxacaq. Ümumiyyətlə, hər il olduğu kimi bu ilin son rübündə də Apple yeni nəsil iPhone 16 seriyasını təqdim edəcək. Artıq yeni smartfonlar barədə bir çox maraqlı fakt da ortaya çıxarılıb. Bu gün ortaya çıxan yeni bir detal isə iPhone 16 Pro modellərinin kamerasına diqqət yetirir. Apple iPhone modelləri üçün Atomic Layer Deposition (ALD) adlı texnologiyadan istifadə edə bilər. ALD hər dəfə bir atomdan ibarət inanılmaz dərəcədə nazik material təbəqələri yaratmaq üçün nəzərdə tutulub.
Qarşıdan gələn Pro seriyası iPhone 16 modellərində yeni linza örtüklərindən başqa kamera təkmilləşdirmələri olacağı da deyilir. Bəzi analitiklər iddia edir ki, hər iki Pro seriyalı iPhone modeli 48MP ultra geniş kameraya sahib olacaq. Bundan əlavə, iPhone 15 Pro Max-ın tetraprizma telefoto linzaları flaqman iPhone 16 Pro ilə təklif olunacaq. Xatırladaq ki, daha əvvəl Apple şirkətinin yaxın aylarda təqdim edəcəyi flaqman iPhone 16 seriyasının dizaynı barədə məlumatlar ortaya çıxmışdı.
