Bildiyimiz kimi, ötən ilin yay aylarında Cristopher Nolan hələ bir neçə il adından bəhs ediləcək bir film çəkmişdi. Belə ki, söhbət Oppenheimer filmindən gedir. Filmin bütün dünyada populyarlaşması və səhnələrin ustalıqla çəkilməsi onun 1 milyard dollara yaxın gəlir gətirməsinə səbəb olmuşdu. İndi isə ortaya çıxıb ki, Cristopher Nolan Oppenheimer filmindən milyonlarla gəlir əldə edib. Hətta Nolanın məşhur aktyorlardan da çox gəlir əldə etməsi rejissora öz ulduz statusunu gücləndirməyə imkan verib.
Kristofer Nolanın ötən ilin yayında nümayiş etdirilən son filmi Oppenheimer 3 saatlıq bioqrafiya filmi olmasına baxmayaraq kinosevərlərin böyük marağına səbəb olmuş və rejissorun karyerasının ən uğurlu əsərlərindən birinə çevrilmişdir. Qeyd edək ki, bu gecə keçirilən 96-cı Oscar mükafat tədbirində Cristopher Nolan Oppenheimer filmində əldə etdiyi uğur nəticəsində ən yaxşı rejissor kimi mükafatlandırıldı. Hətta filmdə baş rolu oynayan Cilian Murphy də ilin ən yaxşı aktyoru nominasiyası üzrə Oscar mükafatı ilə təltif olunub. Bildiyimiz kimi, Oppenheimer filmi kassalardan 957,7 milyon dollar gəlir əldə edib.
Filmin bu uğuru təkcə “Universal” studiyasına deyil, Nolana da ciddi gəlir gətirdi. Forbes-in paylaşdığı məlumata görə, Cristopher Universal ilə müqaviləsi çərçivəsində Oppenheimerin kassa gəlirlərindən 85 milyon dollar əldə edib. Nolanın meneceri və vəkili kimi nümayəndələrinə paylarını ödədikdən sonra təxminən 72 milyon dollar gəlir əldə edib. Bundan əlavə, Nolanın filmdən qazancı onun kassa gəlirindəki payı ilə məhdudlaşmayacaq. Film rəqəmsal platformalardan və ya fiziki media satışlarından gəlir əldə etdiyi üçün Nolan da pul qazanacaq
