Avropa Birliyi bu dəfə həkimlərin işinə də qarışır. Belə ki, Avropa Birliyi tərəfindən yeni qəbul olunan qərar 2025-ci ilin yanvarın 1-dən Amalqama Plomb növünün stomatologiyada istifadə edilməsini qadağan edir. Ümumiyyətlə Plomb çürük nəticəsində zərər görmüş olan dişə normal funksiyalarının görünüşünü qazandırma üsuluyla edilən bir diş müalicəsidir. Bir neçə növə ayrılan bu müalicənin ən geniş yayılmış növlərindən biri də məhz Amalqama Plomb hesab olunur. Tərkibində civə, gümüş, mis və bəzən sink olan bu müalicə üsulu indi qadağan edilir.
Beləliklər Avropa Birliyi 2025-ci ilin 1 yanvar tarixindən etibarən Amalqama Plomb istifadəsini bütün üzv ölkərində qadağan edir. Avropa Parlamenti üzv dövlətlərlə aparılan danışıqlarda civədən istifadəni azaldacaq yeni qaydalar barədə razılığın əldə edildiyini açıqlayıb. Lakin qərarda bəzi istisna hallar da edilib. Ümumiyyətlə bu plomb müalicə üsulunun çox geniş yayıldığını qeyd etmişdik. Məhz Avropa Birliyi də qeyd edir ki, Amalgama plombları yalnız xəstənin xüsusi tibbi ehtiyaclarına əsasən diş həkimi tərəfindən “tamamilə” zəruri hesab edildikdə tətbiq oluna bilər.
Bundan əlavə Amalgama plomb üsuluna alternativləri daxil etmək üçün sağlamlıq sistemlərini yeniləməmiş üzv ölkələr lazım gəldikdə bu tarixi 30 iyun 2026-cı ilə qədər uzada bilər. Qeyd edək ki, 1 yanvar 2025-ci ildən həm də, amalgama plombların ixracı da qadağan ediləcək. Hətta 1 iyul 2026-cı ildən amalgama plombların idxalı və ya istehsalı qadağan olunacaq. Ümumiyyətlə Avropa Birliyinin mövcud qaydalarına əsasən, 15 yaşdan kiçik insanların, hamilə və süd verən qadınların diş müalicəsində amalgama plombların istifadəsi qadağan edilib.
