Yaponiyanın şimal-şərqindəki Fukuşima adlı Atom elektrik stansiyasında toplanan çirklu sudan radioaktiv maddələri təmizləyən sistemin yerləşdiyi binada sızma aşkar edilib. Belə ki, Yaponiyanın şimal-şərqindəki Fukusima atom elektrik stansiyasında təxminən 5.5 ton radioaktiv maddələrə sahib olan su sızdırlıb. Yaponiyanın dövlət televiziyası hesab olunan NHK xəbər verir ki, elektrik stansiyasında yığılan çirkli sular təmizləyən sistemin ventilyasiyasında problem meydana gəlib. Hətta bu sistemin ventilyasiya çıxışının ətrafında tərkibində radioaktiv maddələr olan su aşkar edilib.
Stansiya operatoru Tokyo Electric Power rəsmiləri sızdırılan suyun tərkibində sezium, stronsium da daxil olmaqlq 22 milyard bekerel (radioaktiv maddələrin ölçü vahidi) radioaktiv maddə ola biləcəyini hesablayıblar. Fukuşima stansiyasından sızan tərkibində radioaktiv maddə olan su əsasan torpağa sızsa da, yaxınlıqdakı drenaj kanallarında aparılan müayinələrdə ciddi anormallıq aşkar edilməyib. Qeyd edək ki, sızma aşkar edildikdən dərhal sonra suyun sızdığı ərazi insanlara qadağan edilib və dərhal proseslər başlayıb.
Ümumiyyətlə Fukuşima elektrik stansiyası operatoru TEPCO 2023-cü ilin avqustunda stansiyadan radioaktiv tullantı sularının okeana axıdılmasına başlayıb. Birinci proses 24 avqust-11 sentyabr, ikinci proses 5-23 oktyabr, nəhayət 3-cü proses isə 2-20 noyabr tarixlərində başa çatıb. Çirkab sular dənizin altında tikilmiş tunel vasitəsilə sahildən 1 kilometr kənara axıdılır. Mart ayına qədər ümumilikdə 31 min 200 ton çirkab su Sakit okeana axıdılacaq.
