Togg 2025-ci ildə satışa çıxaracağı ikinci modeli T10F-ni CES 2024 sərgisində nümayiş etdirdi. 2-ci model Sedan əvəzinə fastbək kuzov tipinə malikdir. Beləliklə, T10F bazara üç fərqli modifikasiyada və iki fərqli çəkiş xüsusiyyətləri ilə çıxacaq. Onlardan birincisi RWD olub, arxadan çəkişli elektrik mühərriki ilə standart yürüyüş məsafəsi təqdim edəcə. İkinci RWD variantı isə uzun mənzilli arxa ötürücülü variant kimi seçiləcək. Sonda isə ikili mühərrik ilə AWD variantımız mövcuddur.
T10F-nin xarici dizaynı idman üslublu ön panelə inteqrasiya olunmuş uzun, nazik dönmə göstəriciləri və xüsusi dizaynlı gündüz işıqları ilə diqqəti cəlb edir. Ön tərəfdə müstəqil MacPherson asması və arxada tam müstəqil inteqrasiya olunmuş çoxbucaqlı asma avtomobilin idman və dinamik idarə olunmasını dəstəkləyəcək.
160 kVt və ya 218 at gücü, o cümlədən 350 Nm fırlanma anı hasil edən T10F arxa ötürücülü variantı iki fərqli batareya variantı ilə təklif ediləcək. Onlardan biri sadəcə bu modelə özəl hazırlanmış 52.4 kVts batareya ilə gələn 350+ Km yol qət edən modifikasiyadır. Hiss olunur ki, belə bir modifikasiya xüsusilə münasib qiyməti ilə Türkiyəli müştərilərin büdcəsinə uyğun olmaq və eyni zamanda münasib qiymətə seçim axtaranlar üçün hazırlanıb.
Eyni performansa malik lakin uzun mənzilli modeldə batareya tutumu 88,5 kVts həcminə yüksələcək. Beləliklə, elektromobil 600 Km məsafə qət edəcək.
0-dan 100 km/saata 4,6 saniyəyə sürətlənən və 700 Nm fırlanma anı, 436 at gücü hasil edən T10F-nin iki mühərrikli dörd təkərdən çəkən versiyası 530 kilometrə qədər məsafə qət edə biləcək hədəfləyir.
Togg T10F özünü uzaqdan yeniləmələrlə daim yeniləyən sürücü dəstək sistemləri sayəsində sürücülük təhlükəsizliyini və rahatlığını artırır. Euro NCAP-ın bütün testlərində ən yüksək səviyyə olan 5 ulduz almaq üçün nəzərdə tutulduğu deyilən T10F, güclü və davamlı bir infrastruktura malikdir. Avtomobilin sürücünün təhlükəsizliyinə yönəlmiş xüsusiyyətlərinə yeddi təhlükəsizlik yastığı, yol nişanının aşkarlanması sistemi, dayanma funksiyası ilə smart adaptiv kruiz kontrolu, ağıllı zolaq izləmə sistemi və zolaqdan çıxma xəbərdarlığı daxildir. T10F həm də “smart traffic pilot” köməkçisi xüsusiyyəti ilə seçilir.
Bu funksiya V2 sisteminə malik cihazlarda aktiv olacaq. Qabaqcıl sürücülük dəstək sistemlərinə ətraf görünüş kamerası, kor nöqtə köməkçisi, sürücü diqqət köməkçisi, elektron sabitliyə nəzarət və avtomatik parkinq köməkçisi kimi funksiyaları özündə birləşdirəcək.
